باس پروكۋراتۋرا مەن ىشكى ىستەر مينيسترلىگىنىڭ ينتەرپول قىزمەتكەرلەرى, سونداي-اق قازاقستاننىڭ گەرمانيا فەدەراتيۆتىك رەسپۋبليكاسىنداعى ەلشىلىگىنىڭ قولداۋىمەن اسا ءىرى مولشەردە الاياقتىق جاساعانى ءۇشىن حالىقارالىق ىزدەۋدە جۇرگەن شەتەلدىك ازامات قازاقستانعا جەتكىزىلدى, دەپ جازادى Egemen.kz.
تەرگەۋ دەرەكتەرىنە سايكەس, كۇدىكتى 2014 جىلى ادامدار توبىمەن الدىن الا ءسوز بايلاسۋ ارقىلى كومپيۋتەرلىك تەحنيكانى جەتكىزۋدى ۇيىمداستىرۋعا جاردەم كورسەتەم دەگەن سىلتاۋمەن وتاندىق كاسىپكەردىڭ 1 ميلليون دوللارى كولەمىندەگى قاراجاتىن الداۋ جولىمەن يەمدەنگەن.
حالىقارالىق ىزدەۋدە جۇرگەن ەرلى-زايىپتىلار جامبىل وبلىسىنان تابىلدى
قىلمىس جاسالعاننان كەيىن كۇدىكتى جاسىرىنعان كۇيدە ەلدەن تىسقارى كەتىپ, وعان حالىقارالىق ىزدەۋ جاريالانعان. وسىلايشا ول 10 جىلدان استام ۋاقىت بويى قۇقىق قورعاۋ ورگاندارىنان بوي تاسالاپ كەلگەن.
2025 جىلدىڭ قىركۇيەك ايىندا ول گەرمانيا فەدەراتيۆتىك رەسپۋبليكاسىندا ۇستالىپ, قازاقستان تاراپىنىڭ سۇراۋى نەگىزىندە ەلگە ەكستراديتسيالاندى.
قازىرگى ۋاقىتتا كۇدىكتى تەرگەۋ يزولياتورىنا قامالدى.
حالىقارالىق ىزدەۋدە جۇرگەن قازاقستان ازاماتى گرۋزيادان ەكستراديتسيالاندى
اتالعان قىلمىستىق ءىس بويىنشا وعان مۇلكى تاركىلەنە وتىرىپ, 10 جىلعا دەيىن باس بوستاندىعىنان ايىرۋ جازاسى قاراستىرىلىپ وتىر.