الماتى اۋەجايىندا قاسيەتتى مەكەندە پارىزىن وتەۋگە نيەت ەتكەن 400-گە جۋىق قازاقستاندىقتى شىعارىپ سالۋ ءراسىمى ءوتتى.
قمدب توراعاسى, باس ءمۇفتي ناۋرىزباي قاجى تاعان ۇلى ساپارعا اتتانىپ بارا جاتقان قاۋىمعا ءسات-ساپار تىلەپ, بەس پارىزدىڭ ءبىرى قاجىلىق قۇلشىلىعىنىڭ ءمان-ماڭىزىنا توقتالدى.
«پاندەميا سالدارىنان ەكى جىل بويى قاجىلىق ەسىگى جابىق بولعان ەدى. ەندى, مىنە, اللانىڭ قالاۋىمەن, حاق تاعالانىڭ شاقىرتۋىمەن قاسيەتتى قاعباتۋللاعا قاجىلىققا اتتانىپ باراسىزدار. اللا ساپارلارىڭىزدى مۇباراك ەتسىن! ارداقتى پايعامبارىمىز (وعان اللانىڭ سالاۋاتى مەن سالەمى بولسىن): «جامان ءسوز سويلەمەي, كۇنالى ءارى ورىنسىز ەشنارسە جاساماي, اللاعا قاجىلىق جاساعان ادام اناسىنان جاڭا تۋعانداي (كۇناسىز) ورالادى» دەگەن. ەندەشە, وسى ۇلى ساپاردا اللا تاعالا بارشا وتانداسىمىزعا ءوزىنىڭ جەڭىلدىگىن بەرىپ, امان-ەسەن قۇلشىلىعىن وتەۋدى ءناسىپ ەتسىن!», دەدى ناۋرىزباي قاجى تاعان ۇلى.
ەلىمىزدەن قاجىلىققا بارۋعا نيەت ەتىپ وتىرعاندار
4 مىڭنان اسادى ەكەن. ولارعا 14 كومپانيا قىزمەت كورسەتەدى.
الماتى