جالپى رەسپۋبليكا بويىنشا بۇگىندە جەكە تۇلعالاردىڭ م ۇلىك سالىعى, جەر سالىعى جانە كولىك قۇرالدارى سالىعى بويىنشا بەرەشەگى 919 مىڭ سالىق تولەۋشى بويىنشا 24,3 ملرد تەڭگەنى قۇرادى, ونىڭ ىشىندە بەرەشەكتىڭ نەگىزگى سوماسى كولىك قۇرالدارى سالىعىنا تيەسىلى – 22,8 ملرد تەڭگە. بۇل تۋرالى قارجى مينيسترلىگىنىڭ مەملەكەتتىك كىرىستەر كوميتەتى حابارلادى.
ونىڭ ىشىندە كولىك قۇرالدارى سالىعى بويىنشا سالىق مىندەتتەمەلەرىنەن جالتارعان اۆتوكولىك يەلەرىنىڭ ەڭ كوپ سانى كەلەسى وڭىرلەردە تىركەلگەن: الماتى قالاسىندا 88 مىڭ بورىشكەر بويىنشا بەرەشەك 5,2 ملرد تەڭگەنى قۇرايدى; الماتى وبلىسىندا 132 مىڭ بورىشكەر بويىنشا بەرەشەك 3,9 ملرد تەڭگەنى قۇرايدى; نۇر-سۇلتان جانە شىمكەنت قالالارىندا – تيىسىنشە 2,6 ملرد تەڭگە جانە 1,9 ملرد تەڭگە بەرەشەگى بار 76 مىڭ بورىشكەردەن.
2021 جىلعا جەكە تۇلعالاردىڭ كولىك قۇرالدارىنا سالىق تولەۋ مەرزىمى 2022 جىلعى 1 ساۋىردە اياقتالعانىن ەسكە سالامىز. 2022 جىلعى 17 مامىردان باستاپ سالىق سوماسىن ۋاقتىلى تولەمەگەن تۇلعالارعا 1 اەك-تەن جوعارى بەرەشەك سومالارى بويىنشا جەكە تۇلعانىڭ بەرەشەگىن ءوندىرىپ الۋ تۋرالى سالىق بۇيرىقتارىن جولداۋ باستالدى.
بەرەشەك تولەنبەگەن جاعدايدا سالىق بۇيرىعى تابىس ەتىلگەن كۇننەن كەيىن 5 جۇمىس كۇنى وتكەن سوڭ جەكە سوت ورىنداۋشىلارىنىڭ وڭىرلىك پالاتاسىنا ماجبۇرلەپ ورىنداتۋعا جىبەرىلەدى. ءوز كەزەگىندە, جەكە سوت ورىنداۋشىلارى «اتقارۋشىلىق iس جۇرگiزۋ جانە سوت ورىنداۋشىلارىنىڭ مارتەبەسi تۋرالى» قازاقستان رەسپۋبليكاسىنىڭ زاڭىنا سايكەس بانك شوتتارى مەن مۇلكىنە تىيىم سالۋ تۇرىندە ماجبۇرلەپ ءوندىرىپ الۋ شارالارىن قولدانۋعا قۇقىعى بار.
ەگەر قارىز 40 اەك-تەن اسسا, ازاماتقا ەلدەن شىعۋعا تىيىم سالىنۋى مۇمكىن. قازاقستاننان شىعۋعا تىيىم سالۋ تۋرالى اقپاراتتى سىلتەمە ارقىلى بىلۋگە بولادى https://aisoip.adilet.gov.kz/debtors.
جازعى كانيكۋل جانە دەمالىس ماۋسىمى كەزىندە جاعىمسىز سالدارلاردى بولدىرماۋ ءۇشىن كوميتەت سالىق بەرەشەگى بولعان جاعدايدا ۋاقتىلى تولەم جۇرگىزۋدى ۇسىنادى. سالىق بويىنشا بەرەشەكتىڭ بار/جوق ەكەندىگى تۋرالى مالىمەتتەردى e-Salyq Azamat ءموبيلدى قوسىمشاسىنىڭ قويىندىسى ەلەكتروندى سەرۆيستەر→سالىق جانە الەۋمەتتىك تولەمدەر بويىنشا بەرەشەك تۋرالى قىزمەتى→جسن-دى ەنگىزۋ ارقىلى تەكسەرۋگە بولادى. E-Salyq Azamat ءموبيلدى قوسىمشاسىن سىلتەمە ارقىلى ورناتۋعا بولادى.