پرەمەر-ءمينيستردىڭ ورىنباسارى, قارجى ءمينيسترى ەرۇلان جاماۋباەۆ قانشا جالاقى الاتىنىن ايتتى, دەپ حابارلايدى Egemen.kz.
«جالاقىمدى قارجى مينيسترلىگىنەن الامىن جانە ۆيتسە-پرەمەر رەتىندە قوسىمشا اقى تولەنەدى. شامامەن جالپى جالاقىم 1,5 ملن تەڭگەنى قۇرايدى. ال مينيستر رەتىندە-شامامەن 1,3 ملن تەڭگە», دەپ جاۋاپ بەردى ەرۇلان جاماۋباەۆ جۋرناليستەردىڭ سۇراعىنا.
سونداي-اق مينيستر شەنەۋنىكتەردىڭ دەكلاراتسيالارىن جاريالاۋ تۋرالى سۇراققا دا جاۋاپ بەردى.
«بۇل ماسەلە دە جالپى تالقىلانىپ جاتىر. ءبىز مەملەكەتتىك قىزمەتشىلەرمىز, ءبىزدىڭ جالاقىمىزدى جاقسى بىلەسىزدەر. جىل سايىن دەكلاراتسيانى كىم تاپسىرادى – ارينە, مەملەكەتتىك قىزمەتشىلەر. ءبىز جالپىعا بىردەي دەكلاراتسيالاۋ جولىمەن كەلە جاتىرمىز جانە 2025 جىلعا قاراي رەسپۋبليكامىزدىڭ بارلىق ازاماتى وزدەرىنىڭ جىل سايىنعى دەكلاراتسيالارىن جاريالايتىن, تاپسىراتىن كەزگە كەلەمىز. سوندا بارلىعى بەلگىلى بولادى. مەن دە ءوز دەكلاراتسيامدى ۇسىنۋعا دايىنمىن», دەپ قوستى ەرۇلان جاماۋباەۆ.