استانا. 25 ءساۋىر. الدىمەن قوعام ەلەكتروندى ۆيرۋستان قالاي قورعانۋدى ۇيرەنۋى كەرەك. ءحىى ەۋرازيالىق مەديافورۋمى ۇيىمداستىرۋ كوميتەتىنىڭ ءتورايىمى داريعا نازارباەۆا وسىلاي دەدى. بۇل تۋرالى «قازاقستان» ۇلتتىق ارناسى حابارلادى.
جيىن بارىسىندا داريعا نازارباەۆا: «وسى زالدا جينالىپ وتىرعان ءبارىمىز ءسوز ەركىندىگى مەن بۇقارالىق اقپارات قۇرالدارىنىڭ بوستاندىعىن قالتقىسىز ءارى دايەكتى تۇردە جاقتايمىز دەپ ويلايمىن. سونىمەن قاتار, ءبىز بۇقارالىق مەديانىڭ جاۋاپكەرشىلىگىن تەرەڭ سەزىنەمىز. ويتكەنى, قوعامنىڭ ىشىنە ىرىتكى سالىپ, قۇرتاتىن – سول جاۋاپسىزدىق», – دەگەن پىكىرىن جەتكىزدى.
سونداي-اق, ول: «تاياۋدا تۇركيا YouTube پەن Twitterگە توسقاۋىل قويدى. بىراق كوپ ۇزاماي Twitterگە قايتا جول اشىلىپ ەدى, ىلە وتىرىك پىكىر-تالاس ءورشىپ شىعا كەلدى», – دەدى.
جولدىباي بازار.
دەرەككوز: «قازاقستان» ۇلتتىق ارناسى.
فوتو: Gazeta.kz.