قازاقستاننىڭ اق قانت پەن شيكى قانتتىڭ باجسىز يمپورتىنا ارنالعان كۆوتانى 2022 جىلعى 31 قازانعا دەيىن ۇزارتۋ تۋرالى ۇسىنىسى ماقۇلداندى, دەپ حابارلايدى Egemen.kz ساۋدا جانە ينتەگراتسيا مينيسترلىگىنىڭ ءباسپاسوز قىزمەتىنە سىلتەمە جاساپ.
بۇل ماسەلە پرەمەر-ءمينيستردىڭ ورىنباسارى – ساۋدا جانە ينتەگراتسيا ءمينيسترى باقىت سۇلتانوۆتىڭ قاتىسۋىمەن ەۋرازيالىق ەكونوميكالىق كوميسسيا كەڭەسىنىڭ كەزەكتەن تىس وتىرىسىندا قارالدى.
«بۇل شارا ىشكى نارىققا يمپورتتالاتىن قانتتى جەتكىزۋ قۇنىن تومەندەتۋگە مۇمكىندىك بەرەدى. قازىر ءبىز بىرقاتار ەلمەن قانتتىڭ ۇلكەن كولەمىن جەتكىزۋ تۋرالى كەلىسىم سوزدەر جۇرگىزىپ جاتىرمىز. ال قاراشاعا قاراي قازاقستاندىق زاۋىتتاردان دا, ەاەو ەلدەرىنەن دە جاڭا داقىلعا قىزىلشا قانتىن جەتكىزۋ باستالادى», دەپ ءتۇسىندىردى ب.سۇلتانوۆ.
سونىمەن قاتار قازاقستان اق قانت پەن شيكى قانتتىڭ باجسىز يمپورتىنا كۆوتا كولەمىن ۇلعايتۋ تۋرالى كەلىسسوزدەر جۇرگىزۋدە.
قازىرگى ۋاقىتتا قازاقستاننىڭ كۆوتاسى 2022 جىلعى تامىزعا دەيىن نولدىك يمپورتتىق كەدەن باجىمەن 350 مىڭ توننا اق قانت پەن شيكى قۇرعاق قانتىن قۇرايدى.