2022 جىلعى قاڭتار-مامىر ارالىعىندا قازاقستاندا 4740 مىڭ شارشى مەتر تۇرعىن ءۇي پايدالانۋعا بەرىلدى. بۇل وتكەن جىلدىڭ سايكەس ايلارىمەن سالىستىرعاندا 3,4%-عا ارتىق, دەپ حابارلايدى Egemen.kz ۇلتتىق ستاتيستيكا بيۋروسىنا سىلتەمە جاساپ.
ونىڭ ىشىندە:2425,2 مىڭ م2 – كوپ پاتەرلى ۇيلەر;2279,1 مىڭ م2 – جەكە ۇيلەر.
پايدالانۋعا بەرىلدى:95,6% - جەكەمەنشىك قۇرىلىس سالۋشىلار;4,4% - حالىق تاراپىنان.
«بيىلعى جىلدىڭ قاڭتار-مامىرى ارالىعىندا پايدالانۋعا بەرىلگەن تۇرعىن ءۇيدىڭ جالپى الاڭىنىڭ ۇلعايۋى شىمكەنت قالاسىندا (44,5%-عا), تۇركىستان (17,7%-عا), الماتى جانە قىزىلوردا وبلىستارىندا (11%-عا) بايقالدى. ال پايدالانۋعا بەرىلگەن تۇرعىن ءۇيدىڭ جالپى الاڭىنىڭ تومەندەۋى ماڭعىستاۋ (15,6%-عا), پاۆلودار (9,3%-عا), سولتۇستىك قازاقستان (6%-عا) وبلىستارىندا جانە الماتى قالاسىندا (4,6%-عا) تىركەلدى», دەپ حابارلادى ۇلتتىق ستاتيستيكا بيۋروسى.