مەكسيكادا مەيرامحاناعا جاسالعان قارۋلى شابۋىل سالدارىنان 4 ادام قازا تاپتى, دەپ حابارلايدى Egemen.kz.
جەرگىلىكتى اقپارات قۇرالدارىنىڭ حابارلاۋىنشا, وقيعا ەلدىڭ سولتۇستىگىندەگى چيۋاۋا قالاسىندا بولعان.
قارۋلى ادامدار مەيرامحانادا بولعان ءبىر توپ ادامدى اتىپ تاستاعان. سالدارىنان 4 ادام قايتىس بولدى. ولاردىڭ اراسىندا ايەلدەر دە بار.
ءبىر ادام اۋىر جاراقات العان.
كۋاگەرلەردىڭ ايتۋىنشا, مەيرامحاناعا جەتى ادام شابۋىل جاساعان. قۇقىق قورعاۋ ورگاندارى قىلمىسكەرلەردى ۇستاۋ وپەراتسياسىن جۇرگىزىپ جاتىر.