الەمدەگى تاسىمال تىزبەگىنىڭ بۇزىلۋى, كليماتتىڭ وزگەرۋى, دامۋشى ەلدەردەگى حالىقتىڭ ءوسۋى ازىق-ت ۇلىك قاۋىپسىزدىگى ماسەلەلەرىن بۇرىنعىدان دا وزەكتى ەتتى, دەپ حابارلايدى Egemen.kz ساۋدا جانە ينتەگراتسيا مينيسترلىگىنىڭ ءباسپاسوز قىزمەتىنە سىلتەمە جاساپ.
الەمنىڭ بارلىق ەلدەرى ازىق-ت ۇلىك باعاسىنىڭ قارقىندى وسۋىنە تاپ بولدى. ساۋداداعى شەكتەۋلەر ازىق-ت ۇلىك تاپشىلىعى بار ايماقتار ءۇشىن جاعدايدىڭ ودان ءارى شيەلەنىسۋىنە اكەلەدى.
بۇل تاقىرىپ وسى كۇندەرى جەنەۆادا قازاقستاننىڭ توراعالىعىمەن وتىپ جاتقان دسۇ-نىڭ 12-ءشى مينيسترلىك كونفەرەنتسياسىندا نازاردان تىس قالعان جوق.
قازاقستان دەلەگاتسياسىنىڭ باسشىسى قر پرەمەر-ءمينيسترىنىڭ ورىنباسارى – ساۋدا جانە ينتەگراتسيا ءمينيسترى باقىت سۇلتانوۆ ازىق-ت ۇلىك قاۋىپسىزدىگى ماسەلەلەرىنە ارنالعان سەسسيادا ساۋدا جانە ازىق-ت ۇلىك قاۋىپسىزدىگى جونىندەگى مينيسترلىك دەكلاراتسياسىنىڭ جوباسىن جانە دۇنيەجۇزىلىك ازىق-ت ۇلىك باعدارلاماسىن ساتىپ الۋعا قاتىستى ەكسپورتتىق شەكتەۋلەردى قولدانباۋ تۋرالى شەشىم قابىلداۋدىڭ ماڭىزدىلىعىن اتاپ ءوتتى. بۇل شەشىم, ءتىپتى مۇنداي ءونىمدى جەكەلەگەن ەلدەردەن تىس جەرلەرگە اكەتۋگە تولىق تىيىم سالىنعان جاعدايدا دا, اپاتقا ۇشىراعان وڭىرلەرگە ازىق-ت ۇلىك جەتكىزۋدىڭ گۋمانيتارلىق باعدارلامالارىن جۇزەگە اسىرۋعا مۇمكىندىك بەرەدى.
پرەمەر-ءمينيستردىڭ ورىنباسارى – ساۋدا جانە ينتەگراتسيا ءمينيسترى باقىت سۇلتانوۆ: «دسۇ-نىڭ بارلىق ەلدەرىن قازاقستاننىڭ ۇلگىسىمەن جۇرۋگە جانە وسى كونفەرەنتسيادان الەمدىك ازىق-ت ۇلىك داعدارىسىنان ارىلۋعا مۇمكىندىك بەرەتىن ناقتى شەشىمدەر قابىلداۋعا شاقىرامىن», دەدى.
ايتا كەتسەك, دسۇ-نىڭ 12-ءشى مينيسترلىك كونفەرەنتسياسى الەمدىك ساۋدا ساياساتىنداعى ماڭىزدى وقيعا سانالادى.