الماتى. 23 ءساۋىر. قازاقستاندىق ينتەرنەت پايدالانۋشىلار «بايلانىس تۋرالى» زاڭعا وزگەرىستەر ەنگەنىن قالامايدى. بۇل تۋرالى «ەكسپرەسس ك» حابارلادى.
ينتەرنەت پايدالانۋشىلار تۇزەتىلىپ, ەندى بەكىتىلۋگە ۇسىنىلعان اتالعان قۇجاتقا مەملەكەت باسشىسىنىڭ قول قويماۋىن سۇراپ, ءوتىنىش ءبىلدىردى.
جالپى, ينتەرنەت پايدالانۋشىلارعا زاڭنىڭ 41-بابى 1-بولىمىندە كورسەتىلگەن تالاپ ۇنامايدى. بۇل باپتا الەۋمەتتىك جەلىلەردى قولداناتىن ءبىر ادام زاڭ بۇزۋشىلىققا بارسا, سول ءۇشىن سوتتىڭ شەشىمىنسىز-اق بۇكىل جەلىنى جاۋىپ تاستاۋعا قۇقىق بەرىلگەن. تۇسىندىرە سويلەسەك, «ءبارىمىز ءبىرىمىز ءۇشىن, ءبىرىمىز ءبارىمىز ءۇشىن!» دەيتىن كەڭەستىك كەزەڭدە ءجيى ايتىلاتىن قاعيدا ورتامىزعا قايتا ورالعانداي.
كوپتەگەن ادامدار الەۋمەتتىك جەلىلەر ءتيىستى ورىندار تاراپىنان دالەل-دايەكسىز, كىناسى تۇبەگەيلى تەكسەرىلمەستەن جابىلۋى مۇمكىن دەپ كۇماندانۋدا.
سوندىقتان, ينتەرنەت پايدالانۋشىلار «بايلانىس تۋرالى» زاڭعا ەنگىزىلگەن وزگەرىستەردىڭ قايتا قارالعانىنا مۇددەلى. ولار ءبىر ادامنىڭ زاڭعا قايشى ارەكەتىنىڭ كەسىرىنەن بۇكىل الەۋمەتتىك جەلى زارداپ شەكپەۋى كەرەك, ياعني, جەلىلەردە «جەلدەي ەسىپ» ءتۇرلى جاعىمسىز ارەكەتتەرگە بارعان ادامنىڭ جەكە ءوزى جازالانۋى ءتيىس دەيدى.
ەستەرىڭىزگە سالا كەتەيىك, تۇزەتۋ ەنگىزىلگەن «بايلانىس تۋرالى» زاڭدى پارلامەنت سەناتى ماقۇلداپ, 2 ساۋىردە قول قويۋعا پرەزيدەنتكە جولداعان.
جولدىباي بازار.
دەرەككوز: «ەكسپرەسس ك».
فوتو: Antivirus.ua.