اگرارلىق سالا جەتەكشى ماماندارىنىڭ قازۇازۋ جازعى مەكتەبىندەگى كەزدەسۋى جاس زەرتتەۋشىلەر ءۇشىن ءداستۇرلى ءىس-شاراعا اينالىپ كەلەدى. زامانۋاي تاجىريبە جانە وزىق بىلىممەن ءبولىسۋدى ماقسات ەتەتىن كاسىبي الاڭدا بۇل جولى امەريكا, يندونەزيا, قىتاي, تايلاند, يسپانيا, بولگاريا, مالايزيا سياقتى الەمنىڭ 30-دان استام ەلىنەن كەلگەن جۇزگە جۋىق مامان باس قوستى.
ازىق-ت ۇلىك قاۋىپسىزدىگى جونىندەگى يسلام ۇيىمىنىڭ باعدارلامالار مەن جوبالار ديرەكتورى يسمايل ابدەل حاميد, «اتياب ينتەرنەشنل سەرۆيس» باس ديرەكتورى موحيب احمەد حان (ومان سۇلتاندىعى), ازىق-ت ۇلىك قاۋىپسىزدىگى جونىندەگى يسلام ۇيىمىنىڭ باس ديرەكتورى ەرلان بايداۋلەت, قازۇازۋ باسقارما توراعاسى-رەكتورى تىلەكتەس ەسپولوۆ, تاعى باسقا عالىمدار اگرارلىق سالانى دامىتۋ, الەمدەگى ازىق-ت ۇلىك قاۋىپسىزدىگى تۇرعىسىنداعى عىلىمي تۇجىرىمدارىمەن ءبولىسىپ, حالىقارالىق قىسقى جانە جازعى مەكتەپتەر اۋقىمدى تاجىريبە الاڭى رەتىندە عالامدا تۋىنداپ وتىرعان كوكەيكەستى ماسەلەلەردى تالقىلاۋعا زور مۇمكىندىك بەرىپ وتىرعانىن اتاپ ءوتتى.
جازعى مەكتەپتىڭ اشىلۋ سالتاناتىندا سونداي-اق امەريكا ۋنيۆەرسيتەتىنىڭ پروفەسسورى م.برودي, ۆەتەرينارلىق كلينيكانىڭ جانۋارلاردى رەپرودۋكتسيالاۋ جونىندەگى مامانى ا.ميۋنيح (گەرمانيا), لەيدا ۋنيۆەرسيتەتىنىڭ پروفەسسورى ك.كوليناس (يسپانيا), «اگرارلىق ءوندىرىس جانە كونسالتينگ» كومپانياسىنىڭ مامانى پ.شوبەل (اۆستريا), بولون ۋنيۆەرسيتەتىنىڭ پروفەسسورى ا.مينەللي (يتاليا), كورەي ۇلتتىق اگرارلىق ۋنيۆەرسيتەتىنىڭ وكىلى, ازىق-ت ۇلىك, اۋىل شارۋاشىلىعى, ورمان جانە بالىق شارۋاشىلىعى سالاسىنداعى ءبىلىم بەرۋ, جىلجىتۋ جانە اقپارات اگەنتتىگى لي ۋون گىن (وڭتۇستىك كورەيا), ۆارشاۆا جاراتىلىستانۋ عىلىمدارى ۋنيۆەرسيتەتىنىڭ پروفەسسورى يۋ.موسي (پولشا), ا.كانچەۆا اتىنداعى ۋنيۆەرسيتەتىنىڭ قاۋىمداستىرىلعان پروفەسسورى گ.تسۆەتەلينا (بولگاريا), ەگىنشىلىك جانە كوكونىس شارۋاشىلىعى ينستيتۋتىنىڭ پروفەسسورى د.كاراگيچ (سەربيا), س.دەميرەل ۋنيۆەرسيتەتىنىڭ پروفەسسورى اينۇر گيۋل قاراحان چاكماكچي (تۇركيا), مەملەكەتتىك جەرگە ورنالاستىرۋ ۋنيۆەرسيتەتىنىڭ حالىقارالىق قىزمەت جونىندەگى پرورەكتورى ۆ.نيليپوۆسكي (رەسەي), كاسەتسارت ۋنيۆەرسيتەتىنىڭ پروفەسسورى ر.چاۆيسۋك (تايلاند), قازاقستاندىق زەرتتەۋ ورتالىعىنىڭ ديرەكتورى, سولتۇستىك-باتىس اۋىل شارۋاشىلىعى جانە ورمان شارۋاشىلىعى ۋنيۆەرسيتەتىنىڭ پروفەسسورى ۆ.فەن (قىتاي), د.موتورنىي اتىنداعى تاۆريا مەملەكەتتىك اگروتەحنولوگيالىق ۋنيۆەرسيتەتىنىڭ رەكتورى س.كيۋرچەۆ (ۋكراينا) ءوز ەلدەرىنە ءتان جانە عالامدىق جاعدايداعى كليماتتىق وزگەرىستەر, ازىق-ت ۇلىك قاۋىپسىزدىگى, ادامي كاپيتال, تابيعي ونىمدەر ءوندىرىسى مەن ينتەگراتسيالىق كەلىسىمدەردىڭ ماڭىزدىلىعى تۇرعىسىندا ءوز تۇجىرىمدارىن ورتاعا سالدى. بۇگىندە عالامدىق وزگەرىستەر ادامزات دامۋىنىڭ اجىراماس بولشەگى رەتىندە ەرەكشە نازار اۋدارۋدى, كەشەندى زەرتتەۋدى قاجەت ەتەدى. وسى ورايدا وي-پىكىرلەرىن ورتاعا سالعان ءاربىر شەتەلدىك, وتاندىق عالىمداردىڭ زەررتەۋلەرى وزەكتى. سپيكەرلەردىڭ تالقىلاۋى بيىل ون ءۇشىنشى جىل قاتارىنان ءوتىپ وتىرعان جازعى مەكتەپ سەكتسيالارىنىڭ جۇمىسىن جانداندىرا ءتۇستى دەۋگە نەگىز بار. مۇندا ماڭىزدى جوبالاردىڭ ءبىرى رەتىندە اگرارلىق ونەركاسىپتىك كەشەن سالاسىندا زاماناۋي ءبىلىم مەن يننوۆاتسيالىق تەحنولوگيالار, سونداي-اق وتاندىق ءبىلىم مەن عىلىمدى حالىقارالىق كەڭىستىككە ينتەگراتسيالاۋ ماسەلەلەرىنىڭ وزەكتىلىگىن ايرىقشا اتاپ وتكەن ءجون. بۇل جولى اگروونەركاسىپتىك كەشەندى دامىتۋ سالاسىنداعى يننوۆاتسيالىق تەحنولوگيالاردى مەڭگەرۋ, ارنايى پاندەر بويىنشا 5 ECTS الۋ, كاسىبي جانە تۇلعا قۇزىرەتىن قالىپتاستىرۋ دا قاتىسۋشىلار ءۇشىن اسا ماڭىزدى.
ەندىگى كەزەكتە قاتىسۋشىلار اگروونەركاسىپتىك كاسىپورىندارعا ونلاين-تۋر جاساپ, 13 باعىت بويىنشا, ياعني «تابيعي رەسۋرستاردى باعالاۋ جانە باسقارۋ ماسەلەلەرى», «جاسىل ەكونوميكا», «اۋىل شارۋاشىلىعىنداعى يننوۆاتسيالىق تەحنولوگيالار مەن تەحنيكالىق قۇرالدار», «جەر جانە ورمان رەسۋرستارىن باسقارۋ», «وسىمدىك شارۋاشىلىعى ونىمدەرىن ءوندىرۋدى باسقارۋ», «ورگانيكالىق جەمىس-كوكونىس شارۋاشىلىعى جانە وسىمدىكتەردى قورعاۋ», «تەحنولوگيا مال شارۋاشىلىعى ونىمدەرىن ءوندىرۋ», «بيولوگيالىق قاۋىپسىزدىكتەگى ۆەتەريناريا», «اگرووڭدەۋ تەحنولوگيالارى», «مال شارۋاشىلىعى ونىمدەرىنىڭ ساپاسىن باسقارۋ», «اگروبيزنەس», «توپىراقتانۋ, اگروحيميا جانە ەكولوگيا», «كلينيكالىق ۆەتەريناريا» سالالارىنىڭ وزىق جەتىستىكتەرىن يگەرۋگە قول جەتكىزە الادى.
ەكى اپتا ىشىندە جازعى مەكتەپتىڭ قاتىسۋشىلارى يننوۆاتسيالىق ورتالىقتاردا, ۋنيۆەرسيتەتتىڭ جانە عىلىمي ۇيىمداردىڭ زەرتتەۋ زەرتحانالارىندا, وزىق شارۋاشىلىقتار مەن كاسىپورىنداردا ءبىلىم الىپ قانا قويماي, «ستارتاپ جوبالار» كونكۋرستارى, ۆولەيبولدان تۋرنيرلەرگە قاتىسىپ, تەاتر, مۇراجاي, كورمەلەر جانە قالانىڭ كورىكتى جەرلەرىمەن تانىسىپ قايتادى.
الماتى