6 ماۋسىم كۇنى ەكىباستۇز قالالىق سوتى ەكىباستۇز اكىمىنىڭ ورىنباسارى باۋىرجان احمەتوۆ پەن ونىڭ قاراماعىنداعى تكش ءبولىمى باسشىسىنىڭ ورىنباسارى ا.سادىقوۆقا, سول ءبولىمنىڭ باس مامانى ك.تۇسىپبەكوۆكە قاتىستى ۇكىم شىعارعان ەدى, دەپ جازادى Egemen.kz.
سوت باۋىرجان احمەتوۆكە 8 جىلعا باس بوستاندىعىنان ايىرۋ جازاسىن تاعايىنداعان. تۇسىپبەكوۆ پەن سادىقوۆ 7 جانە 6 جىلعا باس بوستاندىعىنان ايىرىلدى.
ەلىمىزدە ءبىرىنشى باسشى ونىڭ تىكەلەي باعىنىشتى تۇلعاسىنا قاتىستى سوتتىڭ ايىپتاۋ ۇكىمى كۇشىنە ەنگەننەن سوڭ, كۇنتىزبەلىك 10 كۇن ىشىندە نەمەسە اقتالمايتىن نەگىزدەر بويىنشا قىلمىستىق ءىس توقتاتىلعاننان كەيىن وتستاۆكاعا كەتۋگە مىندەتتى. باسشىلاردىڭ مۇنداي جاعدايعا بايلانىستى قىزمەتتەن كەتۋى دە بۇعان دەيىن دە بىرنەشە رەت ورىن العان جاعداي.
سىبايلاس جەمقورلىققا قارسى ءىس-قيمىل اگەنتتىگى بۇل ماسەلەگە قاتىستى ا.قاڭتارباەۆتىڭ تىكەلەي باسشى رەتىندەگى جاۋاپكەرشىلىگى تۋرالى ماسەلە «مەملەكەتتىك قىزمەت تۋرالى» زاڭنىڭ 60-بابىنىڭ 2-تارماعىنا سايكەس ايىپتاۋ ۇكىمى زاڭدى كۇشىنە ەنگەننەن كەيىن قارالاتىنىن ايتىپ وتىر.
ال, ەكىباستۇز قالاسىنىڭ اكىمى بولىپ 2020 جىلدىڭ 25 قىركۇيەگىندە تاعايىندالعان ارداق قاڭتارباەۆ ءوز ەركىمەن ورنىن بوساتۋعا اسىقپايتىن سەكىلدى.