قر ءبىلىم جانە عىلىم مينيسترلىگى مەكتەپكە دەيىنگى جانە ورتا ءبىلىم كوميتەتىنىڭ توراعاسى گۇلميرا كارىموۆا وقۋشىلاردىڭ مىندەتتى مەكتەپ فورماسىنا قويىلاتىن تالاپتارعا وزگەرىستەر ەنگىزىلگەنىن مالىمدەدى, دەپ حابارلايدى Egemen.kz.
«بالانى مەكتەپتە دايىنداۋدا اتا-انانى تولعاندىراتىن ماسەلەلەردىڭ ءبىرى — مەكتەپ فورماسى. كوپتەگەن اتا-انا مەكتەپ فورماسىن ساپالى ءارى قولجەتىمدى باعامەن ساتىپ العىسى كەلەدى. بۇگىنگى تاڭدا مىندەتتى مەكتەپ فورماسىنا قويىلاتىن تالاپتارعا وزگەرىستەر ەنگىزىلىپ, بۇيرىق جوباسى دايىندالدى. اتا-انا ءوزى قالاعان مەكتەپ فورماسىن ەركىن تاڭداي الادى. بارلىق وڭىردەگى ءبىلىم باسقارمالارى مەن بولىمدەرى اتا-انالارعا مەكتەپ فورماسىن تاڭداۋدا بىرىڭعاي ءتۇستى ۇسىنادى», دەدى گۇلميرا كارىموۆا قر ءبىلىم جانە عىلىم مينيسترلىگىنىڭ اپپاراتتىق جينالىسى بارىسىندا.
ونىڭ ايتۋىنشا, مەكتەپ فورماسى بالانىڭ تاربيەسىنە زور اسەر ەتەدى.
«مەكتەپ فورماسىنا ەمبلەمادان باسقا دا مەكتەپ بەلگىلەرىن جاپسىرۋعا بولادى. ساپالى ءارى قولجەتىمدى مەكتەپ فورماسىمەن قامتاماسىز ەتۋدەگى جاڭا ءتاسىل وقۋشىلار اراسىنداعى الەۋمەتتىك, م ۇلىكتىك جانە وزگە دە ايىرماشىلىقتاردى جويادى دەپ ۇمىتتەنەمىز», دەپ قوستى بعم وكىلى.