قر ۇقك قىرعىزستان جانە وزبەكستان ەلدەرىنىڭ ارناۋلى قىزمەتتەرىمەن جانە قۇقىق قورعاۋ ورگاندارىمەن بىرلەسىپ 30-دان اسا ەسىرتكىگە قارسى وپەراتسيا جۇرگىزدى, دەپ حابارلايدى Egemen.kz.
ۆەدومستۆونىڭ مالىمەتىنشە, ەسىرتكى ترافيگىنىڭ 9 حالىقارالىق جانە 14 وڭىرلىك ارناسى جويىلعان. سينتەتيكالىق ەسىرتكى وندىرەتىن 8 ءىرى جاسىرىن زەرتحانانىڭ جۇمىسى توقتاتىلعان.
«ارنايى وپەراتسيالار بارىسىندا ەسىرتكى قۇرىلىمىنىڭ 15 قاتىسۋشىسى ۇستالدى. زاڭسىز اينالىمنان بارلىعى 223 كگ ەسىرتكى, ونىڭ ىشىندە: 90 كگ سينتەتيكالىق ەسىرتكى (270 مىڭ ء«بىر رەتتىك مولشەرگە» تەڭ), 85.2 كگ ماريحۋانا, 14 كگ اپيىن, 4 كگ گاشيش الىندى. بۇدان باسقا 800 ەكستازي تابلەتكاسى, 500 ءتۇپ «گوللاند» ماريحۋاناسى جانە پسيحوتروپتىق زاتتاردى دايىنداۋعا ارنالعان 4 توننا حيميالىق رەاگەنتتەر اينالىمنان شىعارىلدى», دەلىنگەن حابارلامادا.
ەكى اي ىشىندە الىنعان ەسىرتكىنىڭ «قارا نارىقتاعى» جالپى سوماسى 2.3 ملرد تەڭگەدەن استامعا باعالانىپ وتىر. حالىقارالىق ەسىرتكى بيزنەسىنە قارسى ءىس-قيمىل جونىندەگى ءىس-شارالار جالعاسىپ جاتىر.