قازاقستان تۋرالى ماتەريالداردى جازاتىن, تۇسىرەتىن شەتەلدىك جۋرناليستەر ءۇشىن «جاڭا قازاقستان شەتەلدىك باق كوزىمەن» 7-ءشى بايقاۋىنا وتىنىمدەر قابىلداۋ باستالدى, دەپ حابارلايدى Egemen.kz.
كونكۋرستىڭ ادىلقازى القاسى 2014 جىلدان باستاپ ءوز جۇمىستارىندا ەلىمىزدىڭ ءتۇرلى اسپەكتىلەرى تۋرالى مەيلىنشە شىعارماشىل, شىنايى جانە وبەكتيۆتى تۇردە جاريالانعان شەتەلدىك اۆتورلاردى ىرىكتەپ كەلەدى. بايقاۋعا باق-تا جاريالانعان ماتەريالداردان باسقا, بلوگەرلەردىڭ الەۋمەتتىك جەلىلەردەگى اككاۋنتتارىندا جاريالانعان جۇمىستارى دا قاتىسا الادى.
ءتۇرلى تاقىرىپتاعى جۇمىستار بويىنشا نوميناتسيالارى بار نەگىزگى كونكۋرستان باسقا, بيىل «Kazakh Tourism» اتىنان بولەك نوميناتسيا ۇسىنىلدى, وندا تۋريزم تاقىرىبىنداعى جۇمىس ءۇشىن ءبىر جەڭىمپاز ىرىكتەلەدى.
بايقاۋعا قاتىسۋعا 2021 جىلعى 15 شىلدەدەن باستاپ 2022 جىلعى 15 شىلدەگە دەيىن قازاقستان تۋرالى شەتەلدىك باق-تا نەمەسە الەۋمەتتىك جەلىلەردە جاريالانعان اقپاراتتىق ماتەريالدار قابىلدانادى.
بايقاۋ جەڭىمپازدارىن قۇرامىنا قر سىرتقى ىستەر ءمينيسترىنىڭ ورىنباسارى رومان ۆاسيلەنكو, «باس رەداكتورلار كلۋبىنىڭ» باسشىسى بيبىگۇل جەكسەنباي جانە «Kazakh Tourism» ۇلتتىق كومپانياسى» اق باسقارما توراعاسى تالعات امانباەۆ كىرەتىن قازىلار القاسى انىقتايدى.
بايقاۋ قورىتىندىسى بويىنشا بەس گەوگرافيالىق ايماقتان بەس جەڭىمپاز انىقتالادى:
وڭتۇستىك جانە سولتۇستىك امەريكا;
ەۋروپا; تمد; تاياۋ شىعىس جانە افريكا; ازيا-تىنىق مۇحيت ايماعىجانە تۋريزم تاقىرىبى بويىنشا نوميناتسيانىڭ ءبىر لاۋرەاتى ىرىكتەلەدى.
جەڭىمپازدار نۇر-سۇلتان, الماتى, تۇركىستان قالالارى مەن بۋراباي دەمالىس ايماعىنا بارۋ جۇلدەسىنە يە بولادى. ساپار بارىسىندا مازمۇندى مادەني باعدارلاما جوسپارلانعان.
بايقاۋ جەڭىمپازدارىنىڭ مەملەكەتتىك سەكتوردىڭ وكىلدەرىمەن, ساراپشىلار جانە جۋرناليستەرمەن, قازاقستاننىڭ عىلىم جانە مادەنيەت قايراتكەرلەرىمەن كەزدەسۋلەرى ۇيىمداستىرىلادى.
بارلىق جۇمىستار 2022 جىلدىڭ 15 شىلدەسىنە دەيىن mediacontest@mfa.kz ەلەكتروندى پوشتاسىنا قابىلدانادى.
بايقاۋ ناتيجەلەرى 2022 جىلدىڭ 1 تامىزىنا دەيىن جاريالانادى.
سۇراقتار مەن قوسىمشا اقپارات الۋ ءۇشىن mediacontest@mfa.kz پوشتاسىنا نەمەسە +77172720987 تەلەفونىنا حابارلاسۋعا بولادى.