ۇرلىققا تۇسەردە ۇيدە ادامنىڭ, دابىل جۇيەسىنىڭ جوقتىعىنا ابدەن كوز جەتكىزگەن, دەپ حابارلايدى Egemen.kz
بەلگىلى بولعانداي, ۇستالعاندار ءبىر-بىرىمەن جاقىن تۋىس بولىپ شىققان. ولار تۇركىستان وبلىسىنا قاراستى قازىعۇرت, كەلەس, ورداباسى جانە سارىاعاش اۋداندارىنىڭ تۇرعىندارىن تاقىرعا وتىرعىزىپ, جالپى كولەمى 100 ميلليون تەڭگەدەن اسا زالال كەلتىرگەن.
الدىمەن پوليتسەيلەردىڭ نازارىنا 26 جاستاعى ەر ادام ءتۇسىپتى. تەكسەرە كەلە ول ءوزىنىڭ تۋعان-تۋىستارىمەن سىبايلاس بولعان.
ۇرلىققا تۇسەردە ۇيدە ادامنىڭ, دابىل جۇيەسىنىڭ جوقتىعىنا ابدەن كوز جەتكىزگەن. ءتىپتى ءۇي يەلەرىنىڭ كۇن تارتىبىنە دەيىن زەرتتەپتى. قولدى قىلعان زاتتارىن لومباردتارعا وتكىزىپ, اقشانى ءوزارا ءبولىسىپ وتىرعان.
ءتىنتۋ كەزىندە ەسىك-تەرەزەنى بۇزۋعا ارنالعان 32 ءتۇرلى قۇرال-سايمان, كىلتتەر, 52 زەرگەرلىك بۇيىم مەن ۇرلانعان زاتتاردى تاسىعان اۆتوكولىك تاركىلەندى.
توپتىڭ ۇيىمداستىرۋشىسى مەن ەكى مۇشەسى ۇستالدى. تاعى ءبىر كۇدىكتىدەن ەشقايدا كەتپەۋ تۋرالى قولحات الىنعان.
«1996 جىلى ماقتاارال اۋدانىندا تۋىلعان ازامات كۇدىكتى رەتىندە انىقتالىپ, قازىرعۇرت اۋداندىق پوليتسيا بولىمىنە جەتكىزىلدى. تەرگەپ تەكسەرۋ بارىسىندا ول ءوزىنىڭ قىلمىسىن تولىقتاي مويىندادى», دەدى قازىعۇرت اۋدانى پوليتسيا ءبولىمىنىڭ تەرگەۋشىسى داستان توقتاباي.
گۇلدانا ەلۋباي