بۇگىننەن باستاپ ەلىمىزدىڭ بارلىق وبلىستارى بويىنشا مامانداندىرىلعان مەديتسينالىق پويىزدار جۇمىسىن قايتا باستادى, دەپ حابارلايدى Egemen.kz.
«بۇگىن ءبىز مەديتسينالىق پويىزداردى ىسكە قوسامىز. قازاقستاننىڭ بارلىق وبلىستارىنداعى 147 ستانتسيانى قامتۋدى جوسپارلاپ وتىرمىز. شالعاي ستانتسيالاردىڭ تۇرعىندارى تەگىن مەديتسينالىق كومەك الا الادى», دەلىنگەن «قتج» ۇك» اق جانىنداعى الەۋمەتتىك جوبالار قورىنىڭ ديرەكتورى ەربول كەڭگەرباەۆ.
مەديتسينالىق بريگادالاردىڭ قۇرامىندا 30-دان استام بەيىندى ماماندار جۇمىس ىستەيدى. شالعاي ەلدى مەكەندەردىڭ تۇرعىندارى بەيىندى ماماندار – حيرۋرگ, گينەكولوگ, وكۋليست, ستوماتولوگتاردان كەڭەس الا الادى.
«جاردەم» جانە «سالاماتتى قازاقستان» مەديتسينالىق پويىزدارى سەگىز مامانداندىرىلعان ۆاگوننان تۇرادى.
«مەيرامحانا ۆاگونى, ديزەل-گەنەراتورلىق قوندىرعىسى بار ۆاگون قاراستىرىلعان. توتەنشە جاعداي كەزىندە مۇنداي قوندىرعى شاعىن ەلدى مەكەندى ەلەكتر قۋاتىمەن قامتاماسىز ەتەدى. ءتورت ۆاگون مەديتسينالىق كومەك كورسەتۋ ءۇشىن جابدىقتالعان. دارىگەرلەردىڭ تۇرۋىنا ارنالعان ەكى ۆاگون. ۆاگوندار كونديتسيونەرلەرمەن, توڭازىتقىشتارمەن, تەلەديدارلارمەن, دۋش كابينالارىمەن, بيودارەتحانالارمەن جابدىقتالعان», دەدى ەربول كەڭگەرباەۆ.
ايتا كەتسەك, جوبا 2010 جىلى ىسكە قوسىلعان, بىراق سOVID-19 پاندەمياسىنا بايلانىستى توقتاتىلدى.