رەفەرەندۋمدى قولداۋعا ۇندەۋ جاسادى

جاڭادان اشىلعان تۇركىس­تان مۋزىكالىق دراما تەاترىندا مادەنيەت سالاسىنىڭ قىزمەت­كەرلەرىمەن وتكەن كەزدەسۋدە رەفە­رەندۋمنىڭ ءمان-ماڭىزى جونىندە كەڭىنەن اڭگىمەلەندى. سونداي-اق بەلسەندى قوعام وكىلدەرى ماڭىزدى باستامانى قولداۋعا شاقىرىپ, ۇسى­نىس-پىكىرلەرىن ورتاعا سالدى.

«رەفەرەندۋم ءاربىر ازامات­تىڭ بيلىككە ارالاسۋىن, بيلىكتىڭ حالىققا قىزمەت ەتۋىن, ەكەۋىنىڭ ارا­سىندا الشاقتىق بولماۋىن نەگىزگە الىپ وتىر. بۇل – ۇكىمەت ءادىل, شىنايى ءارى اشىق بولسىن دەگەن قاعيدادان تۋىنداعان شە­شىم. جالپى, ەلدىڭ وركەندەۋىنە ارقاي­سىمىز ۇلەس قوسۋى­مىز كەرەك», دەدى رەسپۋبلي­كالىق شتاب مۇشەسى د.قىدىرالى. ال تۇر­كىستان جوعارى مەديتسينالىق كوللەد­جىن­دە مەديتسينا سالاسى­نىڭ قىزمەتكەر­لەرى جانە ستۋدەنت­تەرىمەن كەزدەسۋ اشىق ديالوگ نەگىزىندە ءوتىپ, بۇگىنگى كۇنى ما­ڭىزعا يە بولىپ وتىر­عان رە­فەرەندۋم جايى ءسوز بولدى. كونس­تيتۋتسياعا وزگەرىستەر ەنگىزى­­لەتىن 33 باپتىڭ ءار تارماق­تارىندا كورسەتىلگەن سالالىق زاڭ­دارعا جەكەلەي توقتالعان دارحان قىدىرالى ولاردىڭ با­­سىم بولى­گى نەگىزگى تار­ماق­تارعا ياعني مەم­لەكەتتىك باسقارۋ, قۇقىق­تىق جانە ساياسي جۇيەگە قاتىس­تى ەكەنىن اتاپ ءوتتى. قاتى­سۋ­­شى­لار­دى الداعى ۋاقىتتا جو­لى­­مىز­دى ايقىندايتىن جاڭا باستا­مالاردان قالىس قالماي, قولداۋ كورسەتىپ, داۋىس بەرۋگە شاقىردى. 

رەسپۋبليكالىق جانە وبلىس­تىق شتاب مۇشەلەرى سايرام اۋدان­ىندا بىرقاتار ەلدى مەكەن­دى ارالاپ, تۇرعىندارمەن كەز­دەس­تى. اۋدان تۇرعىنى نيزام­حان سۇلەيمەنوۆ بانكتەن 6 ملرد تەڭگە نەسيە الىپ, ءوز قارا­جا­تىنان 1 200 ورىندىق 4 مەكتەپ­تىڭ قۇرى­لىسىن جۇرگىزۋدە. بۇل الەۋ­مەت­تىك سالاعا تولىقتاي جەتە بەر­مەيتىن مەملەكەتتىك بيۋدجەت ءۇشىن ايتارلىقتاي كومەك. شتاب مۇشەلەرى سونىڭ ءبىرى – مان­­كەنتتە سالىنىپ جاتقان مەكتەپ قۇرى­لىسىمەن تانىستى. مەك­تەپ جاز ايى­نىڭ سوڭىندا پاي­دالانۋعا بەرىلىپ, وقۋشىلاردى قابىلدايدى دەپ جوس­پارلانۋدا.

كەزدەسۋلەردە نەگىزىنەن 5 ماۋسىمدا وتەتىن كونستيتۋتسياعا وزگە­رىستەر ەنگىزۋ جونىندەگى رەفە­رەن­دۋم تۋرالى ايتىلدى. «بۇل رە­فەرەندۋمنىڭ ورنى بولەك. پرە­زي­دەنتتىڭ وكىلەتتىگىن ءبولىسۋ, پارلا­مەنتتىڭ جانە سوتتىڭ ىق­پالىن كۇشەي­تۋ, سايلاۋ جۇيەسىن ناقتىلاۋ­مەن ەرەكشەلەنۋدە. كەز­دەسۋلەردە كونس­تيتۋتسيالىق تۇزەتۋلەرگە قاتىس­تى جاقسى ۇسى­نىس-پىكىرلەر ايتىلدى. جال­پى, تۇركىستان جۇرتشى­لى­عى­نىڭ رەفەرەندۋمعا دەگەن ۇلكەن قىزى­عۋشىلىعىن كوردىك. بەل­سەندىلىگىن بايقادىق», دەيدى رەس­پۋب­ليكالىق شتاب مۇشەسى. جيىن قاتى­سۋ­شىلارى تاراپى­نان دا وزەكتى تاقىرىپتار قوزعالىپ, د.قىدىر­الىگە ۇسىنىستار ايتىل­دى. ما­سەلەن, «مانكەت اگرو 2020» اتتى ءىرى اۋىل شارۋاشىلىق ون­دى­رىس­تىك كووپەراتيۆىنىڭ توراعاسى باتىر انارمەتوۆ شارۋا قوجا­لىق­­تارىنا سۋبسيديا بولۋگە قاتىس­تى كەدەرگىلەردى باياندادى. ال قا­را­بۇلاق اۋىلىنداعى №100 مەك­­تەپتە وتكەن كەزدەسۋدە مەك­تەپ ۇجىمى, جالپى, اۋىل تۇرعىن­دارى­نىڭ ەلدەگى ساياسي رەفورمالاردى ەرەكشە ۇمىتپەن قارسى الىپ وتىر­عانى اڭعارىلدى. اۋىل حالقى, مۇعا­لىمدەر مەن دارىگەرلەر جوسپارلانىپ وتىر­عان ساياسي رەفورمالارعا وڭ كوز­قاراستارىن ءبىلدىردى. كەزدە­سۋلەرگە وبلىستىق ءماسليحات دەپۋ­تاتتارى دا قاتىسىپ, جاڭا قا­زاقستاننىڭ ىرگەتاسى ىسپەتتەس رەفە­رەن­دۋمدى قولداۋعا ۇندەۋ جاسادى.

تۇركىستان وبلىسى