الماتى قالاسى ءدىن ىستەرى جونىندەگى باسقارماسىنىڭ قولداۋىمەن ا.چەحوۆ اتىنداعى كىتاپحانادا ورتالىق مەشىتتە ءدىني ساۋات اشۋ كۋرستارىندا ءبىلىم الىپ جاتقان قىز-كەلىنشەكتەرگە ارنالعان ء«داستۇرلى قازاق قوعامىندا دامىعان كيىز باسۋ ونەرى» شەبەرلىك ساعاتى ءوتتى.
«ادام جانە قوعام» قوعامدىق بىرلەستىگىنىڭ ۇيىمداستىرۋىمەن وتكەن ءىس-شارانىڭ ماقساتى حالقىمىزدىڭ مادەني ءداستۇرىن جاستار مەن وسكەلەڭ ۇرپاق اراسىندا دارىپتەۋ بولىپ تابىلادى. حالىق تۇرمىسىندا كيىز اسا قاجەتتى بۇيىم رەتىندە كادەگە اسقان. سۋىققا ءتوزىمدى كەلەتىندىكتەن, تابيعي جۇننەن باسىلعان كيىز ءۇيدىڭ جابۋىنا, ەدەن توسەنىشى رەتىندە پايدالانىلعان. شەبەرلەر الۋان ءتۇرلى بۇيىمدار جاساۋ ءۇشىن دە كيىزدى قولدانعان. كيىزدەن كيىم تىگىپ, كەبەجە, اياققاپ, تاعى باسقا تۇرمىسقا قاجەتتى بۇيىمداردا پايداعا اسىپ وتىرعان.
قوعامدىق قوردىڭ ديرەكتورى گ ۇلىم نۇرعاليەۆانىڭ ايتۋىنشا, حالقىمىزدىڭ قولدانبالى ونەرىنىڭ ەرەكشەلىگىن دارىپتەپ, كيىز باسۋ ونەرىن جانداندىرۋعا باعىتتالعان شاراعا قاتىسۋشىلار حالىق تۇرمىسىنان قولدانىسىنا قاتىستى اقپاراتتار الىپ, وندىرىستە كادەگە اسۋ بارىسىمەن تانىستى. وسى ورايدا گ.نۇرعاليەۆا كەيىنگى جىلداردا قولونەرشىلەردىڭ ءتۇرلى-ءتۇستى بوياۋلارمەن اسەمدەي وتىرىپ, ساندىك بۇيىمداردى پايداعا جاراتۋى كيىزدىڭ ومىرشەڭدىگىنىڭ نىشانى, دەيدى.
الماتى