22-24 مامىر كۇندەرى نۇر-سۇلتان قالاسىنداعى ج.ۇشكەمپىروۆ اتىنداعى جەكپە-جەك سارايىندا العاش رەت ۇيىمداستىرىلعان مادەنيەت جانە سپورت ءمينيسترى كۋبوگىنىڭ جارتىلاي فينالى مەن فينال باسەكەلەرى وتەدى.
ا توبىنىڭ جەڭىمپازى مەن س توبىنىڭ ۇزدىگى, ال ۆ توبىنىڭ مىقتىسى مەن D توبىنىڭ جەڭىمپازى فينالعا بەرىلەر جولداما ءۇشىن تالاسپاق. ولار: ك.احمەتوۆ اتىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ-ينتەرنات-كوللەدجى (الماتى) – ءجالاڭتوس ءباھادۇر اتىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ-ينتەرنات-كوللەدجى (قىزىلوردا وبل); ق.مۇڭايتپاس ۇلى اتىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ-ينتەرنات-كوللەدجى (نۇر-سۇلتان) – ءا.مولداعۇلوۆا اتىنداعى سپورت ينتەرناتى (قاراعاندى وبل).
اتالعان وقۋ ورىندارىنىڭ 2006-2007 جىلى دۇنيەگە كەلگەن شاكىرتتەرى بوكس, دزيۋدو, گرەك-ريم جانە ەركىن كۇرەستەن شەبەرلىك بايقاسادى. مامىردىڭ باسىندا وتكەن توپتىق كەزەڭگە بارلىعى 17 كوماندا قاتىستى. ولار نۇر-سۇلتان, الماتى, اقتوبە مەن تاراز قالالارىندا ۇزدىكتى انىقتادى.
ايتا كەتەيىك, مادەنيەت جانە سپورت ءمينيسترىنىڭ كۋبوگى بيىل العاش رەت ءوتىپ جاتىر. مينيستر كۋبوگىنىڭ جالپى جۇلدە قورى 10 ميلليون تەڭگە. 1-ورىن العان كومانداعا – 5 ملن, 2-ورىنعا – 3 ملن, 3 ورىنعا 2 ملن تەڭگە بەرىلەدى.
بۇدان بولەك, تورەشىلەر بوكستان – «ۇزدىك تەحنيكاسى ءۇشىن», ەركىن كۇرەستەن – «جەڭىسكە دەگەن ەرىك-جىگەرى ءۇشىن», دزيۋدودان – «ۇزدىك ءادىس ءۇشىن», گرەك-ريم كۇرەسىنەن «كورەرمەندەردىڭ كوزايىمى ءۇشىن» اتالىمدارىندا جەڭىمپازدى انىقتايدى.
بالالار جىلى اياسىندا ۇيىمداستىرىلىپ جاتقان كەشەندى باسەكە بالالار مەن جاسوسپىرىمدەر اراسىندا سپورتتى ناسيحاتتاۋعا باعىتتالعان. مينيستر كۋبوگىنىڭ بۇگىنگى قاتىسۋشىلارى ەرتەڭگى ەل سپورتىنىڭ تۋ ۇستاۋشىلارى بولۋلارى ابدەن مۇمكىن.