«الماتى جاستارى» وتىنىشتەر قابىلدايدى

الماتى قالاسىندا 35 جاسقا دەيىنگى جاستاردى تۇرعىن ۇيمەن قامتاماسىز ەتۋ ماقساتىندا بيىل­عى 18 مامىر مەن 1 ماۋسىم ارالىعىندا www.almaty-zhastary.kz سايتى ارقىلى جە­ڭىل­دىكتەر بەرۋگە وتىنىشتەر مەن «الماتى جاستارى» باعدار­لا­ماسى بويىنشا تۇرعىن ءۇي نە­سيە­لەرىنە قاتىستى قۇجاتتار قا­بىل­دانادى. ەرمەك ءامىروۆتىڭ ايتۋىنشا, سايتتا وتىنىشتەر مەن قۇجاتتاردى قابىلداۋ ەلەكتروندى تسيفرلى قولتاڭبا ارقىلى جۇزەگە اسادى. اۆتوماتتى بالل قويۋ ءۇشىن ەلەكتروندى كالكۋلياتور ەنگىزىلگەن. جەكە كابينەت ارقىلى ءوتىنىشتىڭ بارىسىمەن تانىسۋعا بولادى. قۇجاتتاردى قابىلداۋ 1 ماۋسىمدا ساعات 23:59-دا اياقتالىپ, 20 جۇمىس كۇنى ىشىندە باعدارلاما تالاپتارىنا سايكەستىگى تەكسەرىلەدى. ودان كەيىن ءاربىر سانات بويىنشا جينالعان ەڭ جوعارى ۇپاي سانىنا سايكەس ءتىزىم جاسالادى.

باعدارلامانىڭ بيۋدجەتىنە 18 ملرد تەڭگە قاراستىرىلىپ وتىر. ال نەسيەنىڭ ەڭ جوعارى سوماسى – 18 ملن تەڭگەگە دەيىن. سىياقى مولشەرلەمەسى – 5, باستاپقى جارناسى – 10 پايىز. قاتىسۋشىنىڭ جاڭا سالىنعان نەمەسە قولدانىستاعى تۇرعىن ءۇي نارىعىنان 45 كۇنتىزبەلىك كۇن ىشىندە ءۇي تاڭداۋ مۇمكىندىگى بار. باعدارلاماعا قامتىلاتىندار سانى 1 مىڭعا جۋىق.

نەگىزگى تالاپتارعا سايكەس, د.ءتۇسىپوۆانىڭ ايتۋىنشا, ءوتى­نىش بەرۋشىنىڭ جانە وتباسى مۇشە­لەرىنىڭ مەنشىك قۇقىعىندا سوڭعى بەس جىل ىشىندە تۇرعىن ءۇيى بولماۋى شارت. سونىمەن بىرگە قاتىسۋشىنىڭ قالانىڭ دەنساۋلىق ساقتاۋ, ءبىلىم بەرۋ, مادەنيەت, سپورت, جوعارى وقۋ ورىندارى مەن عىلىمي-زەرتتەۋ ينستيتۋتتارى, جۋرناليستەر, الەۋ­­مەتتىك سالا جانە قۇقىق قور­عاۋ ورگاندارىنداعى رەسمي جۇ­مىس ءوتىلى سوڭعى التى ايدان كەم بولماۋعا ءتيىس. قالادا كەمiندە بiر جىل مەرزiمگە تiركەلگەن جەكە كاسiپكەرلەر دە ءوتىنىش بەرە الادى. بۇل تالاپ مادەنيەت سالاسىنىڭ ءوزiن-ءوزi جۇمىسپەن قامتىعان قا­تى­سۋشىلارىنا قولجەتىمدى.

جولداما العان ءوتىنىش بەرۋ­شىلەردىڭ تولەم قابىلەتىن انىقتاۋ ءۇشىن 15 جۇمىس كۇنى ىشىندە «وتباسى بانكى» اق كەز كەلگەن قىزمەت كورسەتۋ ورتالىعىنا حا­بار­لاسادى. بىلتىر اتالعان باع­دارلاماعا 9 741 ءوتىنىش ءتۇسىپ, 1 019 جاس وتباسى باسپانالى بولۋ باقىتىنا يە بولدى.

الماتى