اقتاۋدا كاسىپوداقتار فەدەراتسياسىنىڭ قولداۋىمەن جانە «ماڭعىستاۋ وبلىستىق كاسىپوداقتار ورتالىعى» اۋماقتىق كاسىپوداقتار بىرلەستىگىنىڭ ۇيىمداستىرۋىمەن كونستيتۋتسياعا ەنگىزىلەتىن وزگەرىستەر مەن تولىقتىرۋلاردى ءتۇسىندىرۋ ماقساتىندا كەزدەسۋ ءوتتى. كەزدەسۋگە ماڭعىستاۋ وبلىسىنىڭ مۇناي سەرۆيستىك كاسىپورىندارىنىڭ جۇمىس بەرۋشىلەرى مەن جۇمىسكەرلەرى ونلاين فورماتتا قاتىستى.
وتىرىسقا مۇناي سەرۆيستىك كاسىپورىنداردىڭ باسشىلارى مەن وكىلدەرى, سونداي-اق سالالىق كاسىپوداقتاردىڭ اۋماقتىق قۇرىلىمدارىنىڭ توراعالارى, «تاتۋلاسۋ ورتالىعىنىڭ», «زاڭ كلينيكاسىنىڭ» قىزمەتكەرلەرى قاتىستى.
رەسپۋبليكالىق شتابتىڭ جەتەكشىسى, كاسىپوداقتار فەدەراتسياسى توراعاسىنىڭ ورىنباسارى نۇرلان وتەشەۆ قازاقستاننىڭ جۇيەلى ترانسفورماتسياسىنا ىقپال ەتەتىن ساياسي رەفورمالاردىڭ وزەكتىلىگىنە توقتالدى. سونداي-اق ول «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» زاڭ نورمالارىن ءتۇسىندىرىپ ءوتتى.
اشىق ديالوگ فورماتىندا وتكەن كەزدەسۋدە كاسىپوداق مۇشەلەرى وزدەرىن تولعاندىرىپ جۇرگەن وزەكتى ماسەلەلەردى ورتاعا سالدى. ماسەلەن, «وزەنمۇنايسەرۆيس» جشس جەرگىلىكتى كاسىپوداعىنىڭ توراعاسى سالامات سەرىكوۆ وسىنداي كەزدەسۋلەردىڭ ماڭىزدىلىعىن اتاپ ءوتىپ, ۇيلەستىرۋ ماسەلەلەرىنە ەرەكشە نازار اۋدارۋ قاجەتتىگىن جەتكىزدى. ال «Caspibitum بك جشس جۇمىسكەرلەرىنىڭ جەرگىلىكتى كاسىپوداعى» قب توراعاسى اسحات ۋريسباەۆ الداعى وزگەرىستەردىڭ بارلىعى ەڭبەك ادامىنىڭ مۇددەسىن قورعاۋعا, قاراپايىم ەڭبەككەرلەردىڭ الەۋەتىن جاقسارتۋعا ارنالاتىنىنا سەنىم ءبىلدىردى.
نۇرلان وتەشەۆ كەزدەسۋدە كاسىپوداق مۇشەلەرىنىڭ كوكەيىندە جۇرگەن كوپتەگەن ماسەلە كورىنىس تاپقانىن جەتكىزدى. ءسوز سوڭىندا فەدەراتسيا توراعاسىنىڭ ورىنباسارى الداعى زاڭنامالىق وزگەرىستەردى اقپاراتتىق-ءتۇسىندىرۋ جۇمىستارىن جۇرگىزۋدە كاسىپوداقتاردىڭ قىزمەتىن ۇيلەستىرۋدىڭ ماڭىزدىلىعىن اتاپ ءوتتى.
ءوز كەزەگىندە قاتىسۋشىلار اتا زاڭعا وزگەرىستەر ەنگىزۋ بويىنشا رەسپۋبليكالىق رەفەرەندۋم وتكىزۋ جاڭا قازاقستاندى قۇرۋ جولىنداعى ماڭىزدى قادام بولىپ تابىلاتىنىن جانە ەڭبەك ۇجىمدارى اراسىندا ءتۇسىندىرۋ جۇمىستارىن بەلسەندى جۇرگىزۋدىڭ قاجەتتىلىگىن ايتتى.
ماڭعىستاۋ وبلىسى