اقتاۋدا اسكەري بولىمنەن قاشىپ كەتكەن سارباز پوليتسيا بەكەتىنە ءوزى كەلگەن, دەپ حابارلايدى Egemen.kz.
«باتىس» وڭىرلىك قولباسشىلىعىنىڭ ءباسپاسوز قىزمەتى حابارلاعانداي, بۇگىن, ياعني 17 مامىردا ساعات 07:15 شاماسىندا 6656 اسكەري ءبولىمىنىڭ قاتارداعى جاۋىنگەرى باعلان ادىلبەكوۆ اقتاۋ پوليتسيا بەكىنىسىنە ءوزى كەلگەن.
«قاتارداعى جاۋىنگەر ادىلبەكوۆ ب.ب. اتا-اناسىمەن كەزدەستى. قازىرگى ۋاقىتتا قىزمەتتىك تەكسەرىس جۇرگىزىلىپ جاتىر», دەپ حابارلادى ۆەدومستۆو وكىلدەرى.
ەسكە سالا كەتەيىك, بۇعان دەيىن 18 جاستاعى اسكەر قاتارىنا شاقىرىلعان سارباز باعلان ادىلبەكوۆ 14 مامىر كۇنى كەشكى ساعات 22:55-تە 4-شاعىناۋدانداعى پاترۋلدىك باعىتتان شىعىپ, جوعالىپ كەتكەن بولاتىن.