بيىل قالانىڭ جاسىل بەلدەۋى تاعى 451 518 كوشەتپەن كوگالداندىرىلادى. ولاردىڭ اراسىندا قايىڭ, قاراعاي, ۇيەڭكى, قاراقات جانە الما اعاشتارى بار, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
وتىرعىزۋ جۇمىستارى اۋا رايىنىڭ جىلىنۋىمەن مامىر ايىنىڭ باسىندا باستالدى. قازىر «استانا ورمانى» بريگاداسى كۇنىنە 25 مىڭنان استام كوشەت ەگىپ جاتىر.
«ەگەر ەلىمىزدىڭ باسقا بولىكتەرىندە ورمانداردى سۋارۋ قولدانىلماسا, كليماتىمىزدىڭ ەرەكشەلىكتەرىنە بايلانىستى جاسىل بەلدەۋ كوشەتتەرى سۋارۋدى قاجەت ەتەدى. كوكتەمدە وتىرعىزىلعان كوشەتتەر بيىل 12 رەت, سودان كەيىن ءار ماۋسىمدا 6 رەت سۋارىلادى. كليماتتىڭ ەرەكشەلىگى ماتەريالدى تاڭداۋدا دا بىلىنەدى. مىسالى بارلىق وتىرعىزۋ ماتەريالدارى بىزدە اۋدانداستىرىلعان. بۇل دەگەنىمىز وتىرعىزۋ كەزىندە اقمولا وبلىسىنىڭ ماتەريالدارىن پايدالانامىز دەگەن ءسوز. ويتكەنى وڭتۇستىكتىڭ اعاشتارى بىزدە تامىر المايدى», دەيدى «استانا ورمانى» جشس باس اگرونومى ارداق حاسەنوۆ.
ايتا كەتەيىك, بۇگىنگى تاڭدا ەلوردانىڭ جاسىل بەلدەۋى 14 827 گەكتار جەردى قۇرايدى. بۇل ايماقتا 9,6 ميلليوننان استام اعاشتار مەن 1,8 ميلليونعا جۋىق بۇتالار وسەدى.