تەكەلى قالاسىنداعى لاي كوشكىنى كەزىندە قۇلاعان ءۇيدىڭ ءۇيىندىسى استىنان 2016 جىلى تۋعان ءبۇلدىرشىننىڭ ءمايىتى تابىلدى, دەپ حابارلايدى Egemen.kz.
قازىر وقيعا ورنىندا وبلىس اكىمىنىڭ ءبىرىنشى ورىنباسارى, شتاب جەتەكشىسى لاززات تۇرلاشوۆ پەن وبلىس اكىمىنىڭ ورىنباسارى باتىرجان بايجۇمانوۆ ءجۇر.
لاي كوشكىنىنەن زارداپ شەككەن وتباسىلار ۋاقىتشا مەكەنگە ورنالاستىرىلدى جانە باسقا دا قاجەتتى كومەك كورسەتىلۋدە. وقيعانىڭ ناقتى سەبەپتەرى انىقتالىپ جاتىر. سونىڭ ناتيجەسى بويىنشا ءتيىستى شارالار قابىلداناتىن بولادى.
ەسكە سالساق, بۇگىن ءتۇس كەزىندە تەكەلىدە لاي كوشكىنى بولعان. 5 ءۇي باتپاق ءۇيىندىسىنىڭ استىندا قالىپ, سونىڭ ىشىندە ءبىر ءۇي تولىعىمەن باتىپ كەتكەن. وسى ۇيدەگى 5 جاسار ءبۇلدىرشىن ءىز-ءتۇزسىز جوعالىپ, وقيعا ورنىندا ۋچاسكەلەرگە ءبولىنىپ, ارنايى ماماندار مەن قۇتقارۋشىلار جۇمىس ىستەدى. ىزدەۋ جۇمىسىنا كينولوگيالىق قىزمەتتى جۇمىلدىرعاننان كەيىن ءۇيىندى اراسىنان 5 جاستاعى قىزدىڭ دەنەسى تابىلدى.