شىعىس قازاقستاندا 16 ساۋىردەن باستاپ «ۋىلدىرىق-2022» جەدەل-الدىن الۋ شاراسى وتكىزىلىپ جاتىر, دەپ حابارلايدى Egemen.kz شقو پوليتسيا دەپارتامەنتى ءباسپاسوز قىزمەتىنە سىلتەمە جاساپ.
مۇنداعى ماقسات – بالىقتى زاڭسىز اۋلاۋعا, تاسىمالداۋعا جانە ساتۋعا بايلانىستى قۇقىق بۇزۋشىلىقتار مەن ەكولوگيالىق قىلمىستارعا توسقاۋىل قويۋ.
«شارا باستالعالى بەرى زاڭسىز بالىق اۋلاۋدىڭ 195 فاكتىسى انىقتالدى. 187 ادامعا قاتىستى جالپى سوماسى 2,5 ملن تەڭگەدەن استام اكىمشىلىك ايىپپۇل سالىندى. براكونەرلەردەن 2 تونناعا جۋىق بالىق, 2900 مەتر سينتەتيكالىق اۋ, 32 بالىق اۋلاۋ قۇرالى تاركىلەندى. مەملەكەتكە كەلتىرىلگەن زالال سوماسى 10 ملن تەڭگەدەن اسىپ وتىر», دەدى وبلىستىق پد باستىعىنىڭ ءبىرىنشى ورىنباسارى ەلدوس زاكيموۆ.
وسى رەتتە, ءتارتىپ ساقشىلارى ازاماتتاردان تىيىم سالىنعان ارالىقتا بالىق اۋلاماي, تابيعاتتى قورعاۋعا شىقاردى.
ناۋقان 30 مامىرعا دەيىن جالعاسادى.