قۇقىق قورعاۋ ينستيتۋتتارىن كۇشەيتۋ – ساياسي رەفورمالاردىڭ جالپى قازاقستاننىڭ جۇيەلى ترانسفورماتسياسىنا ىقپال ەتەتىن 10 باسىم باعىتىنىڭ ءبىرى. بۇل مەملەكەتتىڭ ۇزاق مەرزىمدى دامۋىنىڭ جاڭا پاراديگماسىن ايقىندايدى.
تۇزەتۋلەردى پىسىقتاۋ ءۇشىن پرەزيدەنتتىڭ وكىمىمەن كورنەكتى قۇقىقتانۋشى عالىمداردان, ادام قۇقىقتارى جونىندەگى ۋاكىلدەن, پارلامەنت پەن مەملەكەتتىك ورگانداردىڭ وكىلدەرىنەن تۇراتىن جۇمىس توبى قۇرىلدى. ومبۋدسمەننىڭ تاۋەلسىزدىگى جانە ونىڭ مەملەكەتتىك ورگاندار مەن لاۋازىمدى تۇلعالارعا ەسەپ بەرمەۋى, سونداي-اق وعان قول سۇعىلماۋىنا كەپىلدىك بەرەدى.
اشىق دەرەكتەرگە سۇيەنسەك, قازاقستان تاۋەلسىزدىگىن جاريالاعان ساتتەن باستاپ 536 ءولىم جازاسى ورىندالعان. ەلىمىدە 2004 جىلعى 1 قاڭتاردان باستاپ 2020 جىلعى 24 قىركۇيەككە دەيىن ءولىم جازاسىنا موراتوري جاريالانعان ەدى. قازىر ءولىم جازاسى ءومىر بويى باس بوستاندىعىنان ايىرۋمەن اۋىستىرىلدى. بۇرىن ءولىم جازاسىنا كەسىلگەن نەمەسە ءومىر بويى سوتتالعان 100-دەن استام ادام ەكى كولونيادا جازاسىن وتەپ جاتىر.
ساراپشىلاردىڭ پىكىرىنشە, كەيدە قىلمىسكەرلەردى ۇزاق جانە ءومىر بويى وقشاۋلاۋ قاتىگەزدىك پەن قىلمىستىڭ سەبەبىنە اسەر ەتپەيدى. ءولىم جازاسىنىڭ كۇشىن جويۋ ماسەلەسىن تالقىلاۋ بارىسىندا ءار سوتتالعان ادامنان كەلەتىن تاۋەكەلدى جەكە باعالاۋدى قاجەت ەتەدى. ءار ادامنىڭ ءۇمىتى بار. ءۇمىتسىز شايتان عانا.
بۇل اسىرەسە, ءومىر بويى نەمەسە ۇزاق مەرزىمگە باس بوستاندىعىنان ايىرىلعان, سونداي-اق تۇرمەدەن شىعىپ, ەركىن ومىرگە بەيىمدەلۋگە تىرىساتىن ادامدار ءۇشىن وتە ماڭىزدى. وسىلايشا, ۇسىنىلىپ وتىرعان تۇزەتۋلەردە تەرگەۋشىلەر مەن تۇتقىندارعا قاراۋدى ىزگىلەندىرۋ قاعيداتىنا باسىمدىق بەرىلدى. قۇقىق قورعاۋ ينستيتۋتتارىن كۇشەيتۋ ماقساتىندا 3 باپقا تۇزەتۋلەر ەنگىزىلىپ, اتا زاڭىمىزعا جاڭا ءبىر باپ ەنگىزىلمەك.
ءلاززات نۇرقاتوۆا,
الەۋمەتتانۋ عىلىمدارىنىڭ دوكتورى, پروفەسسور