استاناداعى ورتالىق ساياباقتا اتتراكتسيون كابينالارىنىڭ ءبىرى ءۇزىلىپ, جەرگە قۇلاعان. ىشىندە ەكى كىشكەنتاي قىز بالا بولعان. بۇل تۋرالى قىزداردىڭ اناسى الەۋمەتتىك جەلىدە حابارلادى, دەپ جازادى Egemen.kz.
وقيعا 25 ءساۋىر كۇنى ساعات 17:10 شاماسىندا بولعان. كۋاگەردىڭ ايتۋىنشا, بالالارىن اتكەنشەككە وتىرعىزعاننان كەيىن بىرنەشە اينالىمنان سوڭ كابينا كەنەتتەن اجىراپ, تومەن قۇلاعان.
ەلوردا تۇرعىنى قالا اكىمدىگى مەن جاۋاپتى ورگانداردان ساياباقتاعى بارلىق ويىن قۇرىلعىلارىنا شۇعىل تەحنيكالىق اۋديت جۇرگىزۋدى تالاپ ەتىپ وتىر.
ساياباقتا قۇستاردى تاماقتاندىرعاندار جاۋاپكەرشىلىككە تارتىلا ما؟
قازىرگى ۋاقىتتا اتالعان جاعدايعا قاتىستى رەسمي ورگاندار تاراپىنان تۇسىنىكتەمە بەرىلگەن جوق.