قازاقستاننىڭ ءبىرىنشى, الەمنىڭ 18-راكەتكاسى ەلەنا رىباكينا مادريد WTA 1000 ءتۋرنيرىنىڭ ءۇشىنشى اينالىمىنا ءوتتى, دەپ حابارلايدى Egemen.kz قتف ءباسپاسوز قىزمەتىنە سىلتەمە جاساپ.
وسى ءىرى دودانىڭ 16-راكەتكاسى بولىپ تىركەلگەن قازاقستاندىق تەننيسشى ەكىنشى كەزدەسۋىن دۇنيەجۇزىلىك رەيتينگتە 51-ورىندا تۇرعان چەحيالىق كاتەرينا سينياكوۆامەن وتكىزدى.
ەكەۋى وسىعان دەيىن بەس رەت شەبەرلىك بايقاسىپ, سونىڭ ۇشەۋىندە ەلەنا جەڭىسكە جەتكەن ەدى. بۇل جولى ءبىرىنشى پارتيادا رىباكينا قارسىلاسىنا بىردە-ءبىر گەيم بەرگەن جوق – 6:0. ەكىنشى سەتتە دە رىباكينا 1:0 ەسەبىمەن العا كەتكەننەن كەيىن چەحيالىق سپورتشى باسەكەنى جالعاستىرۋدان باس تارتتى. ەلەنا نەبارى 38 مينۋتقا سوزىلعان ماتچ بارىسىندا 3 ەيس جاساپ, 6 برەيكتىڭ تەڭ جارتىسىن پايدالانىپ ۇلگەردى. قازاقستاندىق تەننيسشى جۇلدە قورى 6,5 ملن ەۋرودان اساتىن جارىستىڭ شيرەك فينالىنا ءوتۋ ءۇشىن الەمنىڭ 35-راكەتكاسى, شۆەيتساريالىق حيل بەلەن تايحمانمەن سايىسقا تۇسەدى.