شىمكەنتتە زاڭسىز بالىق اۋلاعان 13 ادام جاۋاپقا تارتىلدى, دەپ حابارلايدى Egemen.kz Polisia.kz-كە سىلتەمە جاساپ.
جەرگىلىكتى پوليتسيا قىزمەتى باسقارماسى تابيعاتتى قورعاۋ توبىنىڭ قىزمەتكەرلەرى قالا اۋماعىنداعى سۋ ايدىندارىندا ۋىلدىرىق شاشۋ مەزگىلىندە بالىقتاردى قورعاۋ باعىتىنداعى جۇمىستاردى جالعاستىرۋدا.
رەيدتىك شارا بارىسىندا 15 ازامات تازالىقتى سااقتاماعانى ءۇشىن قر اقبتك-ءنىڭ 505-بابىنا سايكەس جاۋاپكەرشىلىككە تارتىلىپ, 13 تۇلعاعا زاڭسىز بالىق اۋلاۋ بويىنشا قر اقبتك-ءنىڭ 383-بابى 1-بولىگىمەن (بالىق اۋلاۋ قاعيدالارىن, سونداي-اق بالىق رەسۋرستارى مەن باسقا دا سۋ جانۋارلارىن پايدالانۋدىڭ باسقا دا تۇرلەرiن جۇزەگە اسىرۋ قاعيدالارىن قىلمىستىق جازالاناتىن ءىس-ارەكەت بەلگiلەرi جوق بۇزۋشىلىق) حاتتاما تولتىرىلدى.
سونداي-اق بالىق اۋلاۋدىڭ ەرەجەسىن بۇزعاندارعا 30 630 تەڭگە كولەمىندە ايىپپۇل سالىنىپ, ونىڭ 199 095 تەڭگەسى وسى كۇنگە دەيىن وندىرىلگەن.
ماسەلەن, 30 ساۋىردە بادام سۋ قويماسىندا زاڭسىز بالىق اۋلاپ وتىرعان ەكى تۇرعىن انىقتالعان. ازاماتتار قارماقتى پايدالانا وتىرىپ, كوكسەركە بالىعىن اۋلاعان جەرىنەن ۇستالدى. ءتارتىپ ساقشىلارى تۇرعىندارعا ءتۇسىندىرۋ جۇمىستارىن جۇرگىزىپ, بالىق ۋىلدىرىق شاشاتىن مەزگىلدە تىيىم سالىناتىنى ەسكەرتىلدى. تۇرعىندارعا ءتيىستى باپ بويىنشا اكىمشىلىك شارا كورىلدى.
«بالىق ۋىلدىرىق شاشار مەزگىلىندە جىل سايىن وسىنداي ءىس-شارا ۇيىمداستىرىلىپ, زاڭسىز بالىق اۋلايتىن ازاماتتارعا توسقاۋىل قويىلادى. بۇل تۇرعىدان بىزدەر وزەن, كول ماڭدارىنا كۇن سايىن رەيدتىك جۇمىستار جۇرگىزەمىز. كەيدە بالىق اۋلاعان جايتتاردى بايقاعان جاناشىر جەرگىلىكتى تۇرعىندار 102 ارناسى ارقىلى بىزگە حابارلاپ جاتادى. ءبىز بىردەن اتالعان مەكەنجايعا جەدەل جەتىپ, زاڭ بۇزۋشىلاردى قۇرىقتايمىز. تابيعاتقا جاناشىرلىق تانىتىپ, قامقورلىق كورسەتۋ – بۇل ءبىزدىڭ ازاماتتىق پارىزىمىز», دەدى تابيعاتتى قورعاۋ توبىنىڭ اعا ينسپەكتورى ۇلىقبەك ساباەۆ.
ايانا توعانبەك