ەلوردادا م ۇلىك يەلەرى بىرلەستىگىنىڭ (ميب) توراعاسى كارىز قۇدىعىنان ەسىرتكى تاۋىپ الدى. قالا تۇرعىنى بىردەن پوليتسياعا حابار بەرگەن. بۇل تۋرالى نۇر-سۇلتان پوليتسيا دەپارتامەنتىنىڭ ءباسپاسوز قىزمەتى ءمالىم ەتتى, دەپ حابارلايدى Egemen.kz.
نۇر-سۇلتان پوليتسيا دەپارتامەنتى ءباسپاسوز قىزمەتىنىڭ اقپاراتىنشا, ەسىرتكى ورالعان تۇيىنشەك ە-15 كوشەسىندەگى «مەركۋري» تۇرعىن ءۇي كەشەنىنىڭ كارىز قۇدىعىنا جاسىرىلعان.
«ميب توراعاسى ءۇي اۋماعىن ارالاۋ بارىسىندا اق ءتۇستى ۇنتاق سالىنعان, لەنتامەن ورالعان پوليەتيلەن تۇيىنشەك تاۋىپ الدى. ەر ادام بىردەن پوليتسياعا حابار بەردى. وقيعا ورنىنا كەلگەن پوليتسەيلەر بەلگىسىز زاتتى تاركىلەدى», دەلىنگەن حابارلامادا.
بۇل فاكتى بويىنشا سوتقا دەيىنگى تەرگەۋ باستالدى. ساراپتاما تاعايىندالدى.
پوليتسيا تىيىم سالىنعان زاتتىڭ تۇرعىن ءۇي كەشەنى اۋماعىنا قالاي تۇسكەنىن انىقتاپ جاتىر.
«Mercury Life» ميب توراعاسى رۇستەم ايتقوجين قىراعىلىق تانىتقانى ءۇشىن گراموتامەن ماراپاتتالدى. ءتارتىپ ساقشىلارى ەلوردا تۇرعىنىنا بەلسەندى ازاماتتىق پوزيتسياسى ءۇشىن العىس ايتتى.