قازاقستاننىڭ ءبىرىنشى, الەمنىڭ 18-راكەتكاسى ەلەنا رىباكينا مادريد WTA 1000 ءتۋرنيرىن جەڭىسپەن باستادى, دەپ حابارلايدى Egemen.kz.
جۇلدە قورى 6,5 ملن ەۋرودان اساتىن ءىرى جارىستىڭ 16-راكەتكاسى بولىپ تىركەلگەن قازاقستاندىق تەننيسشى العاشقى اينالىمدا دۇنيەجۇزىلىك رەيتينگتە 93-ورىندا تۇرعان فرانتسيالىق وسەان دودەنمەن شەبەرلىك بايقاستى.
ءبىرىنشى پارتيادا ەلەنا ەكى برەيك جاساپ, ايقىن باسىمدىلىق كورسەتتى - 6:2. تارتىستى وربىگەن ەكىنشى سەت تە رىباكينانىڭ پايداسىنا شەشىلدى - 7:5. ءبىر ساعات 20 مينۋتقا سوزىلعان ماتچتا قازاقستاندىق تەننيسشى 12 ەيس جاساپ, 7 برەيك-پوينتتتىڭ بەسەۋىن ءوز ەسەبىنە جازدى.
فرانتسيالىق سپورتشى 4 ەيس, 2 برەيكپەن شەكتەلدى.
ە.رىباكينا ءۇشىنشى اينالىمعا شىعۋ ءۇشىن الەمنىڭ 51-راكەتكاسى, چەحيالىق كاتەرينا سينياكوۆا نەمەسە رەيتينگتە 66-ساتىداعى حورۆاتيالىق انا كونيۋحتىڭ بىرەۋىمەن تالاسادى.