29 ءساۋىر كۇنى رەسپۋبليكانىڭ باسىم اۋماعىندا اشىق, جاۋىن-شاشىنسىز اۋا رايى ساقتالادى. ەلىمىزدىڭ تەك وڭتۇستىگىندە, وڭتۇستىك-شىعىسىندا, تاۋلى اۋداندارىندا جاڭبىر جاۋادى, نايزاعاي, داۋىل كۇتىلەدى. بارلىق وڭىردە جەل تۇرىپ, وڭتۇستىكتە شاڭدى داۋىل تۇرادى, دەپ حابارلايدى Egemen.kz.
اتاپ ايتقاندا, تۇركىستان وبلىسىنىڭ سولتۇستىگىندە, باتىسىندا, تاۋلى اۋداندارىندا كۇندىز جەلدىڭ ەكپىنى 25 م/س ارتادى. ءوڭىردىڭ سولتۇستىگىندە, باتىسىندا شاڭدى داۋىل تۇرادى.
جامبىل وبلىسىنىڭ وڭتۇستىگىندە, سولتۇستىگىندە, تاۋلى اۋداندارىندا كۇندىز داۋىل كۇتىلەدى. ءوڭىردىڭ وڭتۇستىك-باتىسىندا, سولتۇستىك-شىعىسىندا, تاۋلى اۋداندارىندا جەلدىڭ ەكپىنى 23-28 م/س جەتەدى.
الماتى وبلىسىنىڭ الاكول كولدەرىنىڭ اۋدانىندا جەلدىڭ كۇشى 23-28 م/س ارتادى. اقمولا وبلىسىنىڭ باتىسىندا جەل 15-20 م/س كۇشەيەدى. سولتۇستىك قازاقستان وبلىسىنىڭ سولتۇستىك-باتىسىندا, شىعىسىندا جەلدىڭ جىلدامدىعى 15-20 م/س قۇرايدى.
قاراعاندى وبلىسىنىڭ وڭتۇستىگىندە كۇندىز جەلدىڭ ەكپىنى 25 م/س ارتادى. قوستاناي وبلىسىنىڭ سولتۇستىك-باتىسىندا جەلدىڭ كۇشى 23 م/س جەتەدى. سونداي-اق باتىس قازاقستان وبلىسىنىڭ وڭتۇستىگىندە, اقتوبە وبلىسىنىڭ سولتۇستىگىندە, ورتالىعىندا, پاۆلودار وبلىسىنىڭ ورتالىعىندا توتەنشە ءورت قاۋپى كۇتىلەدى.