27 ءساۋىر كۇنى نۇر-سۇلتان قالاسى اكىمدىگىنىڭ «استانا جاستارى» كمم ەلوردالىق جوو تۇلەكتەرى مەن جۇمىسسىز جاستار ءۇشىن بوس ورىندار جارمەڭكەسىن وتكىزەدى, دەپ حابارلايدى Egemen.kz.
بوس ورىندار جارمەڭكەسىنىڭ نەگىزگى ماقساتى جۇمىس بەرۋشى مەن جۇمىس ىزدەۋشى اراسىنداعى تىكەلەي بايلانىس ارقىلى جۇمىسسىز ازاماتتاردى, ءبىلىم بەرۋ ۇيىمدارىنىڭ تۇلەكتەرى مەن جاستاردى جۇمىسقا ورنالاستىرۋعا جاردەمدەسۋ بولىپ تابىلادى.
بوس ورىندار جارمەڭكەسىنە قالانىڭ 30-دان استام جۇمىس بەرۋشىلەرى قاتىسادى, ولار ءوز بوس ورىندارىن ۇسىنادى. بۇل ەلوردا جاستارى ءۇشىن وزدەرى قالاعان سالاداعى بوس جۇمىس ورىندارىن زەردەلەۋگە جانە بىرنەشە جۇمىس بەرۋشىلەرمەن ءبىر جەردە تىكەلەي سويلەسۋگە تاماشا مۇمكىندىك.
بوس ورىندار جارمەڭكەسى كومپانيالار ءۇشىن دە, ىزدەنۋشىلەر ءۇشىن دە وتەۋسىز نەگىزدە وتكىزىلەدى.
بوس ورىندار جارمەڭكەسىندە حالىقتى جۇمىسپەن قامتۋ ماسەلەلەرى «باستاۋ بيزنەس» باعدارلاماسى, مەملەكەتتىك گرانتتار بويىنشا حالىققا كەڭەس بەرۋ ۇيىمداستىرىلادى.
مۇنداي ءىس-شارالارعا قاتىسۋ ءوزىنىڭ مانساپتىق جولىن باستاعان جاس بۋىن ءۇشىن ماڭىزدى, ويتكەنى ول قىزمەتتىڭ ەڭ قىزىقتى سالالارىن جانە قىزمەتكەر رەتىندە ءوزىنىڭ «قۇنىن» انىقتاۋعا كومەكتەسەدى.