پرەمەر-مينيستر ءاليحان سمايىلوۆ جۇمىس ساپارىمەن باتىس قازاقستان وبلىسىنا باردى. ۇكىمەت باسشىسى وڭىردەگى بىرقاتار كاسىپورىندى, الەۋمەتتىك جانە ينفراقۇرىلىمدىق نىسانداردى ارالادى, دەپ حابارلايدى Egemen.kz.
كۇنى كەشە مەملەكەت باسشىسى قاسىم-جومارت توقاەۆ ۇكىمەتكە جانە باتىس قازاقستان وبلىسىنىڭ اكىمدىگىنە وڭىردەگى جولداردى جوندەۋ بويىنشا بارلىق قاجەتتى شارانى دەرەۋ قابىلداۋدى تاپسىردى.
وسىعان بايلانىستى ۇكىمەت باسشىسى ءبىرىنشى كەزەكتە 94 مىڭ تۇرعىنى بار 50 ەلدى مەكەندى بايلانىستىرىپ وتىرعان «پودستەپنوە – فەدوروۆكا – رف شەكاراسى» اۆتوجولىنىڭ ۋچاسكەسىنە باردى.
جول قاراشىعاناق كەن ورنىنا دەيىن جەتەدى جانە رەسەيگە ترانزيتتىك ءدالىز بولىپ وتىر. قازىرگى ۋاقىتتا كۇرە جولدىڭ جاعدايى وتە ناشار, ءارى-بەرى وتكەن قازاقستان مەن باسقا دا ەلدەردىڭ ونداعان مىڭ ازاماتى جول ازابىن تارتىپ وتىر.
«كۇرە جولداردىڭ جاعدايى – باتىس قازاقستان وبلىسىنداعى ەڭ كۇردەلى ماسەلەلەردىڭ ءبىرى. بيىلعى جىلى ءبىز بۇل جۇمىستاردىڭ اۋقىمدى بولىگىن اياقتاۋىمىز كەرەك. وسىدان ءۇش جىل بۇرىن باستالعان بۇل جوبالار قارجىنىڭ جەتىسپەۋشىلىگىنەن بىتپەي قالدى. بيىل جولداردى جوندەۋگە 15 ملرد تەڭگە كوزدەلگەن, ەگەر جۇمىس قارقىنىن تەزدەتۋگە تەحنيكالىق جاعداي مۇمكىندىك بەرسە, قوسىمشا قاراجات بولۋگە بولادى. بيۋدجەتتى ناقتىلاۋ كەزىندە ءبىز «پودستەپنوە – فەدوروۆكا – رف شەكاراسى» اۆتوموبيل جولىنا ارنايى 6 ملرد تەڭگە قاراستىردىق. جولداردى جوندەۋ جۇمىستارىن 2022-2025 جىلدارى اياقتاۋ قاجەت», دەدى ءاليحان سمايىلوۆ.
ۇكىمەت باسشىسى وبلىس اكىمدىگىنە يندۋستريا جانە ينفراقۇرىلىمدىق دامۋ مينيسترلىگىمەن بىرلەسىپ, بۇل ماسەلەنى باقىلاۋدا ۇستاپ, قاراجاتتىڭ ءتيىمدى يگەرىلۋىن قامتاماسىز ەتۋدى تاپسىردى.
بۇدان كەيىن پرەمەر-مينيستر وسىمدىك مايى مەن كۇنجارا وندىرەتىن كاسىپورىن «پويما ماي كومبيناتى» جشس-عا باردى.
زاۋىتتا 135 ادام جۇمىس ىستەيدى, ال ونىڭ ءونىمى (جىلىنا شامامەن 50 مىڭ توننا) تەك بقو-دا جانە كورشىلەس وبلىستاردا عانا ەمەس, سونداي-اق تۇركىمەنستاندا, وزبەكستاندا, اۋعانستاندا, تاجىكستاندا جانە رەسەيدە سۇرانىسقا يە.
2,8 ملرد تەڭگە مەملەكەتتىك قولداۋ العان كاسىپورىن «اينالىم سحەماسى» ارقىلى باعانى تۇراقتاندىرۋ ساياساتىن ىسكە اسىرۋعا بەلسەندى قاتىسۋدا, سونىڭ ارقاسىندا وسىمدىك مايىنىڭ باعاسى ايتارلىقتاي تومەندەدى.
«وزدەرىڭىز بىلەتىندەي, ەلدىڭ ازىق-ت ۇلىك قاۋىپسىزدىگىن قامتاماسىز ەتۋ مەملەكەت باسشىسىنىڭ ەرەكشە باقىلاۋىندا. وسىعان بايلانىستى نارىقتى وتاندىق اۋىل شارۋاشىلىعى ونىمدەرىمەن تولىقتىرۋ بويىنشا جۇيەلى جۇمىس ءجۇرىپ جاتىر. ولاردىڭ ىشىندە الەۋمەتتىك ماڭىزى بار ازىق-ت ۇلىك تاۋارلارى – ءبىرىنشى كەزەكتە.
نارىقتى كۇنباعىس مايىمەن قامتاماسىز ەتۋ ءۇشىن قايتا وڭدەۋ كاسىپورىندارىن شيكىزاتپەن قامتۋ بويىنشا شارالار قابىلدانىپ جاتىر. وسى ماقساتتا كۇنباعىس تۇقىمى مەن كۇنباعىس مايىن شىعارۋعا كۆوتا ەنگىزىلگەنى بەلگىلى», – دەدى قر پرەمەر-ءمينيسترى.
جۇمىس ساپارىنىڭ كەلەسى نىسانى ءۇش اۋىسىممەن وقىتۋدى جويۋ شارالارى اياسىندا ىسكە قوسىلعان 300 وقۋشىعا ارنالعان №18 مەكتەپ-بوبەكجاي-بالاباقشا كەشەنى بولدى.
پرەمەر-مينيستر ء«بىلىمدى ۇلت» ۇلتتىق جوباسىندا ءبىلىم بەرۋدىڭ قولجەتىمدىلىگى مەن ساپاسىن قامتاماسىز ەتۋ ءۇشىن قاجەتتى شارالار كوزدەلگەنىن اتاپ ءوتتى.
2021 جىلى 534 بالاباقشا اشىلدى. 2022 جىلى 138 مەكتەپتىڭ قۇرىلىسىنا بيۋدجەتتەن 104 ملرد تەڭگە ءبولىندى, ونىڭ ىشىندە بقو-دا التى مەكتەپكە 1,9 ملرد تەڭگە ءبولىندى. ودان بولەك, 2022 جىلى رەسپۋبليكادا 1 000 مەكتەپ, ونىڭ ىشىندە بقو-دا 63 مەكتەپ جاڭعىرتىلادى.
«سونىمەن قاتار وبلىس بالاباقشالارىندا 11 مىڭنان استام ادام كەزەكتە تۇر, التى اپاتتى جانە ءۇش اۋىسىممەن وقىتاتىن ءۇش مەكتەپ بار. قوسىمشا ءبىلىم بويىنشا مەملەكەتتىك تاپسىرىسقا قاراجات بولىنگەن جوق. اكىمدىك بۇل پروبلەمالاردى جەدەل شەشۋى كەرەك. جەكە مەنشىك بالاباقشالار كوبىرەك اشىلۋى كەرەك. مەملەكەتتىك تاپسىرىس بويىنشا قوسىمشا بىلىمگە جەرگىلىكتى بيۋدجەتتەن قاراجات ءبولۋدى قامتاماسىز ەتۋ قاجەت», – دەدى ۇكىمەت باسشىسى.
ودان كەيىن ءاليحان سمايىلوۆ «ورال جىلىجاي كەشەنى» جشس قىزمەتىمەن تانىستى, ونىڭ جوبالىق قۋاتى جىلىنا 3 مىڭ توننا قيار مەن قىزاناقتى قۇرايدى. كاسىپورىن «قازاگرو» ۇبح» اق جەلىسى بويىنشا 5 ملرد تەڭگە مەملەكەتتىك قولداۋدىڭ ارقاسىندا ىسكە قوسىلدى, ناتيجەسىندە وڭىردە جىلىجاي ونىمدەرىن ءوندىرۋ ەكى ەسەگە ارتتى.
«كوكونىستەرمەن قامتاماسىز ەتۋ ماسەلەسىندە جىلىجاي كەشەندەرى ماڭىزدى ءرول اتقارادى, سوندىقتان ءبىز ولاردىڭ سانىن ارتتىرۋعا مۇددەلىمىز. بۇل ءۇشىن جىلىجاي سالۋعا جانە ونى كۇتىپ-ۇستاۋعا كەتەتىن شىعىنداردى سۋبسيديالاۋعا ايتارلىقتاي قاراجات بولىنەدى. بۇل جەردە ەلىمىزدىڭ باتىسىنداعى ءىرى كاسىپورىنداردىڭ ءبىرى ورال جىلىجاي كومبيناتى جۇمىسى ماڭىزدى ەكەنىن وتكىم كەلەدى. تەك ءوز ايماعىمىزدىڭ عانا ەمەس, سونىمەن قاتار كورشى ايماقتاردىڭ نارىعىنا شىعۋ ءۇشىن دە كۇش سالۋ قاجەت. بۇل باعىتتاعى الەۋەت زور», – دەپ اتاپ ءوتتى ءاليحان سمايىلوۆ.
ودان كەيىن پرەمەر-مينيستر «كۆانت» جشس جيھاز فابريكاسىنا باردى, ونىڭ ونىمدەرى قازاقستان ىشىندە دە, سىرتقى نارىقتا دا, اتاپ ايتقاندا, ارمەنيا مەن قىرعىزستاندا سۇرانىسقا يە.
مەملەكەتتىك قولداۋ اياسىندا كاسىپورىن يننوۆاتسيالىق جابدىقتى ساتىپ الۋ ءۇشىن جىلدىق 6%-بەن جەڭىلدەتىلگەن نەسيە الدى. بۇل فابريكاعا نارىقتاعى ءوز پوزيتسياسىن بەكىتۋگە جانە ءوندىرىستى ۇلعايتۋعا مۇمكىندىك بەردى.
«ىشكى نارىقتىڭ قاجەتتىلىگى جىل سايىن ءوسىپ كەلەدى, سالانى دامىتۋ ءۇشىن الەۋەت زور. «قاراپايىم زاتتار ەكونوميكاسى» باعدارلاماسى اياسىندا كاسىپكەرلەر جەڭىلدىكتى قارجىلاندىرۋعا قول جەتكىزە الادى, سوندىقتان وتاندىق جيھاز وندىرۋشىلەرى بۇل مۇمكىندىكتى بەلسەندى پايدالانۋى كەرەك», دەدى قر پرەمەر-ءمينيسترى.