قىزىلوردا قالاسىنداعى زك-169/1 مەكەمەسىنىڭ سالەم-ساۋقات قابىلداۋ بولمەسىندە تاماق اراسىنا 3 تەلەفوندى جاسىرىپ وتكىزبەك بولعان ەر ادام ۇستالدى, دەپ حابارلايدى Egemen.kz.
«ول اتالعان مەكەمەدە قاماۋدا وتىرعان ايىپتالۋشى 28 جاستاعى تانىسىنا سالەم-ساۋقات اكەلگەن. سوتتالۋشى قر قىلمىستىق كودەكسى 293-بابىنىڭ 3-بولىگى بويىنشا جازاسىن وتەۋدە. سالەم-ساۋقاتتى تەكسەرۋ بارىسىندا پالاۋدىڭ ىشىنەن 3 تەلەفون جانە 1 قۋاتتاعىش, 3 SIM-كارتا تابىلدى», دەپ حابارلادى قىزىلوردا وبلىسى بويىنشا قىلمىستىق-اتقارۋ جۇيەسى دەپارتامەنتىندەگىلەر.
ۆەدومستۆو مالىمەتىنشە, اتالعان دەرەك بويىنشا قر اكىمشىلىك قۇقىقبۇزۋشىلىق تۋرالى كودەكسىنىڭ 481-بابىنا سايكەس اكىمشىلىك ماتەريالدار جينالىپ, سوتقا جىبەرىلدى.