بيىل ءبىلىم بەرۋ وشاقتارىندا 7 جانە 9 مامىرداعى مەرەكەلەرگە وراي جيىن وتكىزىلمەيتىن بولدى, دەپ حابارلايدى Egemen.kz قر ءبىلىم جانە عىلىم مينيسترلىگىنىڭ ءباسپاسوز قىزمەتىنە سىلتەمە جاساپ.
«مەكتەپتەردە 7 جانە 9 مامىردا اتالىپ وتەتىن مەرەكەلەر قارساڭىندا پاتريوتتىق تاربيە بەرۋ, سوعىس ارداگەرلەرىنىڭ جەڭىسكە قوسقان ۇلەسى, وتانعا دەگەن سۇيىسپەنشىلىك, ىزگىلىك, بەيبىتشىلىك پەن كەلىسىمنىڭ ماڭىزدىلىعى تاقىرىپتارىندا سىنىپ ساعاتتارى وتكىزىلەدى. مەكتەپتەردە 9 مامىرعا ارنالعان جيىن وتكىزۋ جوسپارلانىپ وتىرعان جوق», دەلىنگەن حابارلامادا.
سونداي-اق مينيسترلىكتە اسكەري كيىم مەن اتريبۋتتاردى قولدانىپ, تەاترلاندىرىلعان كورىنىس جانە باسقا دا شارالار ۇيىمداستىرۋدىڭ قاجەتى جوق ەكەنى ايتىلدى.
ء«بىلىم بەرۋ ۇيىمدارىنا وسى ماسەلە بويىنشا ۇسىنىستار جىبەرىلدى», دەپ قوستى ءباسپاسوز قىزمەتى.