سلوۆاكيانىڭ پەشتياني قالاسىندا ۇيىمداستىرىلعان شايبالى حوككەيدەن جاسوسپىرىمدەر اراسىنداعى ءبىرىنشى ديۆيزيوننىڭ الەم چەمپيوناتى ءوز مارەسىنە جەتتى. قازاقستان قۇراماسى التى ەلدىڭ ىشىندە ءتورتىنشى ورىنعا تۇراقتادى.
ا توبىندا سىنعا تۇسكەن جەرلەستەرىمىز بەس ويىننىڭ ەكەۋىندە جەڭىسكە جەتىپ, ءۇش كەزدەسۋدە قارسىلاستارىنا جول بەردى. العاشقى ەكى ماتچتا نورۆەگيا (2:9) جانە فرانتسيا (2:4) قۇرامالارىنان جەڭىلگەن قازاقستاندىق جاس حوككەيشىلەر كەيىنگى ەكى كەزدەسۋدە دانيا مەن جاپونيادان باسىم ءتۇستى. ءۇشىنشى تۋردا دانيا حوككەيشىلەرىن 4:2 ەسەبىمەن ۇتسا, ءتورتىنشى تۋردا جاپونيا جاسوسپىرىمدەرىنەن جەڭىلىپ جاتىپ, 4:3 ەسەبىمەن سوڭعى مينۋتتاردا جەڭىستى ج ۇلىپ الدى. ال قورىتىندى, بەسىنشى تۋردا مۇزايدىن يەلەرىمەن كەزدەسىپ, سلوۆاكيا قۇراماسىنان 5:3 ەسەبىمەن جەڭىلىپ قالدى.
الەم چەمپيوناتىنىڭ قورىتىندىسى بويىنشا, ا توبىنىڭ العاشقى ەكى ورنىن يەلەنگەن سلوۆاكيا مەن نورۆەگيا قۇرامالارى توپ-ديۆيزيونعا جولداما السا, فرانتسيا حوككەيشىلەرى ءۇشىنشى ورىنعا يە بولدى. ال سوڭعى ورىندا قالىپ قويعان جاپونيا ۆ توبىنا سىرعىدى.