سالىمشىلار كەپىلدى وتەم الادى

تاراتىلاتىن سەگىز بانكتىڭ سا­لىمشىلارى وزدەرىنە تيەسىلى وتەم اقشالاردى سوڭعى كۇنىن قوسا العاندا 2022 جىلدىڭ 1 م­ا­مى­­رىنا دەيىن الا الادى. بۇل «ۆاليۋت-ترانزيت بانك» اق, «قازينۆەستبانك» اق, «Delta Bank» اق, «ەكسيمبانك قازاق­ستان» اق, «Qazaq Banki» اق, «استانا بانكى» اق, «Tengri Bank» اق جانە «AsiaCredit Bank» اق سالىمشىلارى. «Capital Bank Kazakhstan» اق ليتسەنزياسىنان كە­يىنىرەك ايىرىلعاندىقتان, ونىڭ سالىمشىلارىنىڭ كەپىلدىك بە­رىلگەن وتەمدى سوڭعى كۇنىن قوسا العاندا بيىلعى جىلدىڭ 3 شىل­دە­سىنە دەيىن الۋعا مۇم­كىن­دىك­تە­رى بار.

وتەم الۋعا ءوتىنىشتى ءداستۇرلى تا­سىلمەن نەمەسە تولەم­دەر­دىڭ ەلەك­ترون­دى پورتالى (تەپ) ارقىلى ونلاين بەرە الاسىز. وندا تولەنۋگە قولجەتىمدى سومانى تەكسەرۋگە جانە ءوتىنىشتىڭ ورىندالۋ بارىسىن قا­دا­­عالاۋعا بولادى. سونىمەن قاتار سالىمشىلار ليتسەن­زياسىنان ايىرىلعان بانكتىڭ سالىمشىلارىنا وتەم تولەۋگە تا­عايىندالعان اگەنت بانكتەر ار­قىلى دا ءوتى­نىش بەرە الادى. كە­پىل­دىك بەرىلگەن وتەمدى تولەيتىن اگەنت بانكتەردىڭ بولىمشەلەرى تۋرالى اقپاراتپەن ولاردىڭ سايتتارى ارقىلى تانىسىپ شىعۋعا مۇم­كىن­دىك بار.

تولەم مەرزىمى اياقتالعان سوڭ, تالاپ ەتىلمەگەن وتەم سومالارى سا­­لىمشىلاردىڭ بجزق-دا اشىل­عان, ەرىكتى زەينەتاقى جارنا­لا­رىن ەسەپكە الۋعا ارنالعان جەكە زەي­نەتاقى شوتتارىنا اۋدا­رى­لا­دى. بۇل شارانى قور «قازاق­ستان رەسپۋبليكاسىنىڭ ەكiنشi دەڭ­گەيدەگى بانكتەرiندە ورنالاس­تى­رىلعان دەپوزيتتەرگە مiندەتتi كەپiلدiك بەرۋ تۋرالى» قازاقستان زاڭىنا سايكەس كۇنتىزبەلىك 30 كۇن ىشىندە جۇزەگە اسىرادى. وسىلايشا, تاراتىلاتىن سەگىز بانكتىڭ كليەنتتەرى وتەم اقشالارىنىڭ بجزق-عا اۋدارىلۋىن وسى جىلدىڭ 31 مامىرىنا دەيىن, ال «Capital Bank Kazakhstan» اق سالىمشىلارى 2 تامىزعا دەيىن كۇتە الادى.

ەسكە سالامىز, تولەم مەرزىمىن دالەلدى سەبەپتەرمەن وتكىزىپ العان سالىمشى جازباشا وتىنىشپەن قورعا تىكەلەي جۇگىنەدى. وتىنىشپەن بىرگە دالەلدى سەبەپتەردى راستايتىن قۇجاتتار دا قوسا بەرىلەدى. دا­لەلدى سەبەپتەرگە: اسكەري قىز­مەت­كە ورنالاسۋ, دەپوزيتوردىڭ شەتەلدە, باس بوستاندىعىنان ايى­رۋ ورىندارىندا بولۋى, سالىم­شى­نىڭ مۇراسىن قابىلداۋ جانە مۇرانى اشۋ جانە الۋعا قاتىستى وزگە دە سەبەپتەر, سونداي-اق سوت انىقتاعان باسقا دا ءمان-جايلار جاتادى.

بجزق ماماندارى ءوز كەزە­گىن­دە تاراتىلاتىن بانك­تەر­­دىڭ سا­لىمشىلارىنىڭ تالاپ ەت­پە­­­گەن وتەم سومالارى قازاق­ستان رەس­پۋبليكاسىنىڭ زەينەت­اقى­­­مەن قامسىزداندىرۋ زاڭنا­ما­­­سىندا كوزدەلگەن تارتىپپەن سا­لىم­شىلاردىڭ اتىنا اشىلعان, ەرىكتى زەينەتاقى جارنالارىن ەسەپ­كە الۋعا ارنالعان جەكە زەي­نەت­­اقى شوتتارىنا اۋدارىلاتىنىن اتاپ ءوتتى.

تالاپ ەتىلمەگەن كەپىلدىك بە­رىل­گەن وتەم سوماسى بجزق-عا سا­لىم­شىنىڭ دەربەس دەرەكتەرى بجزق-داعى دەرەكتەرمەن سايكەس كەلگەندە جانە سالىمشىنىڭ جەكە باسىن كۋالاندىراتىن قۇجاتى بار بولعان جاعدايدا اۋدارىلادى. سونداي-اق سالىمشىدا مىندەتتى زەينەتاقى جارنالارى جانە (نەمەسە) مىندەتتى كاسىپتىك زەينەتاقى جارنالارى جانە (نەمەسە) ەرىكتى زەينەتاقى جارنالارى ەسەبىنەن اشىلعان, زەينەتاقى جيناقتارى بار جزش بار بولۋى قاجەت.

بىراق بۇل ءۇشىن سالىمشىلارعا بجزق-عا بارۋدىڭ قاجەتى جوق – ەگەر بارلىعى تالاپقا سايكەس كەلە­تىن بولسا, وتەم سوماسى بجزق-عا اۆتوماتتى تۇردە اۋدارىلادى.

بۇدان باسقا بجزق ماماندارى جزش-عا ەسەپتەلگەن وتەم سومالارىنىڭ باسقا زەينەتاقى اكتيۆتەرى سەكىلدى ينۆەستيتسيا­لا­ناتىنىن مالىمدەدى. ياعني بۇل سوما سالىمشىعا (الۋشىعا) ين­ۆەس­تيتسيالىق تابىس اكەلەتىن بولادى.