حالىقارالىق مىندەتتەمەلەر ورىندالادى

بىلتىر پرەزيدەنت قاسىم-جومارت توقاەۆ «قازاقستان رەس­پۋب­ليكاسىنىڭ ادام قۇقىقتارى سالا­سىنداعى ودان ءارى شارالارى تۋرالى» جارلىققا قول قويدى, ونى ىسكە اسىرۋ ءۇشىن ۇكىمەت ءبىرىن­شى كەزەكتەگى شارالار جوس­پارىن بەكىتتى. بۇل قۇجاتتىڭ قا­بىلدانۋىن حا­لىقارالىق قا­ۋىم­داستىق وڭ باعا­لا­دى. ونىڭ ىشىندە ءدىني زاڭنامانى ىرىق­­تاندىرۋ, ءولىم جازاسىن جويۋ, ايەل­دەر­گە قاتىستى ساياسات, قۇقىق قورعاۋ جانە سوت جۇيەلەرىن جەتىلدىرۋ, سونداي-اق مۇمكىندىگى شەكتەۋلى جاندار ءۇشىن جاسالاتىن جاعدايلار ەرەكشە اتاپ ءوتىل­دى. ادام قۇ­قىق­تارى سالاسىنداعى ءىس-قي­مىل جوسپارلارىن كەڭەيتۋ بو­يىن­شا قوسىمشا شارالار قا­بىلداۋ ءۇشىن مەملەكەت باسشىسى جاقىندا «قا­زاقستان رەس­پۋب­ليكاسىنىڭ ادام قۇقىق­تا­رى سالا­سىن­داعى ودان ءارى شارالارى تۋرالى» 2021 جىل­عى جارلىعىنا وز­گە­رىس پەن تو­لىق­تى­رۋ ەنگىزۋ تۋرا­لى شەشىم قا­بىل­­دادى.

وسىعان سايكەس ۇكىمەتكە ادام قۇ­­قىق­­تارى مەن قۇقىق ۇس­تەم­­دىگى سالاسىندا شارالار جوس­پارىن بەكىتۋ تاپسىرىل­دى. وعان ايەلدەرگە قاتىستى كەم­سىتۋ­شى­لىك­تى جويۋدى, مۇگەدەك ادام­دار­عا قا­تىستى ادام قۇقىقتارىن, ميگرانتتار مەن ازاماتتىعى جوق ادامداردى جانە بوسقىنداردىڭ قۇقىعىن قور­عاۋ, قىلمىستىق سوت تورەلىگى سالا­سىندا جازانى ورىنداۋ جانە ازاپتاۋ مەن قاتىگەزدىكتىڭ الدىن الۋ, ادام ساۋداسى قۇرباندارىنىڭ قۇقىق­تا­رىن قامتاماسىز ەتۋ, بۇۇ ورگاندارىمەن ءوزارا ءىس-قيمىل تەتىكتەرىن جەتىل­دى­رۋ ءتارىزدى تاپسىرمالار بەرىلدى. باي­قا­عا­نى­­مىزداي, ادام قۇقىقتارىن قور­عاۋ – قازاقستاننىڭ سايا­سي كۇن تارتىبىندەگى باسىم باعىت­تار­دىڭ ءبىرى.

31 ناۋرىز كۇنى قازاقستان رەس­پۋب­لي­كا­سى پرەزيدەنتىنىڭ جانىن­داعى ادام قۇقىقتارى جونىن­دەگى كوميسسيانىڭ ەلى­مىزدىڭ قۇقىق قور­عاۋ ورگان­دا­رىنىڭ قىزمەتىندە ادام قۇقى­عىن ساقتاۋدىڭ وزەكتى ماسە­لە­لە­رىنە ارنالعان وتىرىسى ءوتتى. وندا قىلمىستىق پروتسەستىڭ باستاپقى سا­تى­لارىندا, سونداي-اق مەم­لەكەت باس­­شىسىنىڭ جول­دا­ۋىندا اي­تىل­عان نۇسقاۋ­لار­دى ەسكەرە وتىرىپ, جابىق مەكەمەلەردە ازاپتاۋدىڭ الدىن الۋ جانە تولىعىمەن جويۋ ماسەلەسى ءسوز بولدى.

مەملەكەت باسشىسىنىڭ بۇل جار­لىققا قول قويۋى ەلىمىزدىڭ ساياساتى جالپىعا بىردەي حالىق­ارا­لىق ستان­­دارت­تارعا سايكەس ازا­ماتتاردىڭ قۇ­قى­عى مەن بوس­تان­­دىعىن قورعاۋ جونىن­دە­گى مىن­دەت­تە­مەلەردى ىسكە اسى­رۋ­عا باعىت­تال­عانىن انىق كورسە­تە­دى.

يگور روگوۆ,

پرەزيدەنت جانىنداعى ادام قۇقىقتارى جونىندەگى كوميسسيا توراعاسى