قازىرگى ۋاقىتتا مەملەكەت باسشىسىنىڭ تاپسىرماسى بويىنشا قر ەنەرگەتيكا مينيسترلىگى بۇكىل ەل بويىنشا ەلەكتر ستانتسيالارىنا اۋقىمدى تەحنولوگيالىق اۋديت جۇرگىزۋدە, دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
2022 جىلعى 14 ساۋىردە قر ەنەرگەتيكا ۆيتسە-ءمينيسترى باستاعان قر ەنەرگەتيكا مينيسترلىگىنىڭ وكىلدەرى تەمىرتاۋ قالاسىنداعى جەو-2, «ارسەلورميتاللتەميرتاۋ» اق جەو-ءباۇس جانە «Bassel Group LLS» جشس گرەس-1 ەلەكتر ستانتسيالارىنا باردى.
ەلەكتر ستانتسيالارىن ارالاۋ كەزىندە اعىمداعى جىلىتۋ ماۋسىمىنىڭ وزەكتى ماسەلەلەرى جانە الداعى جىلىتۋ ماۋسىمىنا دايىندىق بويىنشا جوسپارلار قارالدى.
ەلەكتر ستانتسيالارىنىڭ باسشىلارى ەنەرگيا جابدىقتارىن جاڭعىرتۋ جانە جاڭارتۋ بويىنشا الداعى جوسپارلار تۋرالى ايتىپ, جەو-2-دە جەتىنشى قازاننىڭ قۇرىلىسى جانە جەو-ءباۇس-دا №1 قازاندى رەكونسترۋكتسيالاۋ بويىنشا اعىمداعى جۇمىستار تۋرالى حاباردار ەتتى.
ايتا كەتەيىك, جەو-2-دە جەتىنشى قازاننىڭ قۇرىلىسىن 2023 جىلدىڭ كۇزىندە اياقتاۋ جوسپارلانعان, بۇل جوبانى ىسكە اسىرۋ الداعى ۋاقىتتا ەلەكتر ستانتسياسىنىڭ قۋاتىن ارتتىرۋعا مۇمكىندىك بەرەدى.
سونداي-اق ۆەدومستۆو وكىلدەرى جەو-ءباۇس-داعى جاڭا ءتۇتىن مۇرجاسىنىڭ سالىنۋ بارىسىن تەكسەردى. سالىنىپ جاتقان قۇبىردىڭ جالپى بيىكتىگى 150 مەتر, بۇگىندە 75 مەتر سالىندى. قۇرىلىس جۇمىستارى 2021 جىلى باستالدى, جاڭا قۇبىردىڭ قۇرىلىسىن وسى جىلدىڭ قىركۇيەك ايىندا اياقتاۋ جوسپارلانعان.
كاسىپورىن ماماندارىنىڭ ايتۋىنشا, جاڭا قۇبىردى پايدالانۋعا بەرۋ جۇمىس ىستەپ تۇرعان قۇبىرعا جۇكتەمەنى ازايتۋعا, قۇبىرعا جوسپارلى تەكسەرۋ مەن قولدانىستاعى ءتۇتىن قۇبىرىنا كۇردەلى جوندەۋ جۇرگىزۋگە مۇمكىندىك بەرەدى.
سونداي-اق مينيسترلىك وكىلدەرى «كازەنەرگوماش كورپوراتسياسى» جشس زاۋىتىندا بولىپ, وندا پەتروپاۆل جەو-2 قازاندارىنا كۇردەلى جوندەۋ جۇرگىزۋ ءۇشىن قاجەتتى قوسالقى بولشەكتەردى دايىنداۋعا باعىتتالعان جۇمىستاردىڭ ورىندالۋ بارىسىمەن تانىستى.