رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى 2021 جىلعى جەلتوقساندا اتىراۋ وبلىسىنا بولىنگەن بيۋدجەت قاراجاتى مەن مەملەكەت اكتيۆتەرىن پايدالانۋ تيىمدىلىگىنە مەملەكەتتىك اۋديت جۇرگىزدى, دەپ حابارلايدى Egemen.kz.
ەسەپ كوميتەتىنىڭ سايتىندا جاريالانعان اقپاراتقا سايكەس, مەملەكەتتىك اۋديت بارىسىندا قۇرىلىس قىزمەتى سالاسىندا جانە دەنساۋلىق ساقتاۋ سالاسىندا بىرقاتار بۇزۋشىلىق انىقتالدى.
وسىعان بايلانىستى اتىراۋ وبلىسىنىڭ اكىمدىگىنە 10 035, 9 ملن تەڭگە مولشەرىندە انىقتالعان بۇزۋشىلىقتار سوماسىن قالپىنا كەلتىرۋ جانە وتەۋ بويىنشا شارالار قابىلداۋ تاپسىرىلدى, دەلىنگەن حابارلامادا.
ۆەدومستۆو قازىرگى ۋاقىتتا ەسەپ كوميتەتىنىڭ تاپسىرماسىن ورىنداۋ ءۇشىن 8 618, 5 ملن تەڭگە قالپىنا كەلتىرىلىپ, 7,1 ملن تەڭگە وتەلگەنىن اتاپ ءوتتى.