2022 جىلدىڭ 1 ناۋرىزىندا ەلىمىزدەگى ايەلدەردىڭ سانى 9,9 ملن-عا جەتتى. بۇل ءبىر جىل بۇرىنعى ساننان 1,2 پايىزعا كوپ, دەپ حابارلايدى Egemen.kz Finprom.kz سايتىنا سىلتەمە جاساپ.
قازاقستان حالقىنىڭ جالپى سانىنداعى ايەلدەردىڭ ۇلەسى قىسقارىپ كەلەدى.
ماسەلەن, 2017 جىلدىڭ 1 ناۋرىزىندا رەسپۋبليكا تۇرعىندارىنىڭ 51,62 پايىزى, ال 2018 جىلى — 51,58, 2019 جىلى — 51,54, 2020 جىلى — 51,51, ۆ 2021 جىلى — 51,48, 2022 جىلى 51,43 پايىزى ايەلدەر بولدى.
وڭىرلەر اراسىندا الماتى قالاسىندا, الماتى مەن تۇركىستان وبلىستارىندا ايەلدەردىڭ سانى باسىم بولسا, سولتۇستىك قازاقستان وبلىسىندا از.
ەلىمىزدە 29 جاسقا دەيىنگى ايەل جىنىسىنىڭ سانى ەرلەرگە قاراعاندا باسىم. ال 30-بەن 49 جاس ارالىعىنداعى ەرلەر مەن ايەلدەر سانى تەڭ دەۋگە بولادى.
50 جاستان كەيىن عانا گەندەرلىك بالانس ايەلدەر جاعىندا قازاقستان حالقىنىڭ جالپى سانىنداعى 50-دەن 59 جاسقا دەيىنگى ايەلدەر ۇلەسى 53,6 پايىزدى قۇراعانىمەن, ودان كەيىنگى جاستان باستاپ ولاردىڭ سانى كۇرت ارتىپ, 72,1 پايىزعا جەتەدى.
ياعني, ەلىمىزدە قىزدار مەن بويجەتكەندەر ۇلدار مەن بوزبالالارعا قاراعاندا از.
بىراق, جاسى 80 قارت ايەلدەردىڭ سانى ەلىمىزدە ءدال وسى جاستاعى ەر ادامداردان ەكى ەسەگە كوپ.
2021 ەلىمىزدە جۇمىسپەن قامتىلعان ايەلدەردىڭ سانى 4,3 ملن ادامعا جەتتى.
ايەلدەردىڭ باسىم بولىگى ساۋدا جانە اۆتوجوندەۋ سالاسىندا جۇمىس ىستەيدى.
سونىمەن قاتار ءبىلىم بەرۋ, اگروونەركاسىپ, قۇرىلىس سالالارىندا ەڭبەك ەتەتىن ايەلدەردىڭ ۇلەسى باسىم.