قازاقستان رەسپۋبليكاسىنىڭ جەنەۆاداعى بۇۇ بولىمشەسى مەن باسقا دا حالىقارالىق ۇيىمدار جانىنداعى تۇراقتى وكىلى ەرلان الىمباەۆ بۇۇ-نىڭ قازاقستانداعى تۇراقتى ۇيلەستىرۋشىسى ميكاەلا فريبەرگ-ستوريمەن كەزدەسۋ وتكىزدى, دەپ حابارلايدى Egemen.kz.
تاراپتار ەلىمىزدىڭ بۇۇ-مەن ءوزارا ءىس-قيمىلىنىڭ نەگىزگى باعىتتارى, سونىڭ ىشىندە پرەزيدەنت قاسىم-جومارت توقاەۆتىڭ «جاڭا قازاقستان: جاڭارۋ مەن جاڭعىرۋ جولى» جولداۋىندا باياندالعان ساياسي جانە الەۋمەتتىك رەفورمالاردى جۇزەگە اسىرۋ بويىنشا پىكىر الماستى.
ءوز كەزەگىندە, م. فريبەرگ-ستوري رەفورمالاردى وڭ باعالاپ, ولاردى جۇزەگە اسىرۋدا قر ۇكىمەتىنە جاردەمدەسۋگە دايىن ەكەنىن ءبىلدىردى.
سونىمەن قاتار ىنتىماقتاستىقتىڭ باسىمدىقتارى رەتىندە ورنىقتى دامۋ ماقساتتارىنا قول جەتكىزۋ, ونىڭ ىشىندە ادام قۇقىقتارىن قورعاۋ, ورنىقتى ەكونوميكالىق ءوسۋ جانە ازىق-ت ۇلىك قاۋىپسىزدىگى اتاپ ءوتىلدى.
كەزدەسۋ سوڭىندا م.فريبەرگ-ستوري قازاقستان تاراپىنا جىلى قابىلداۋ ءۇشىن ءوز العىسىن ايتىپ, ەلىمىز بەن بۇۇ اراسىنداعى بەرىك قاتىناستاردىڭ ودان ءارى دامۋىنا سەنىم ءبىلدىردى.