قىزىلوردا وبلىسىندا جىل باسىنان بەرى وزگە ادامنىڭ تەلەفونىنداعى بانك قوسىمشاسىنان ونلاين نەسيە راسىمدەگەن 64 الاياق ۇستالدى, دەپ حابارلايدى Egemen.kz قىزىلوردا وبلىستىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
«الاياقتار سمارتفون ارقىلى وزگە بىرەۋدىڭ بانك قوسىمشاسىنا كىرەدى. ولاردىڭ اراسىندا ءتىپتى ەلەكتروندى تسيفرلى قولتاڭبانى بۇزا الاتىندارى دا كەزدەسەدى. بيىلعى جىلدىڭ 3 ايىندا وبلىس بويىنشا 64 ازامات وسىنداي الاياققا الدانعان», دەپ مالىمدەدى پوليتسيا دەپارتامەنتى.
ۆەدومستۆو مالىمەتىنە قاراعاندا, وسىنداي وقيعانىڭ ءبىرى جالاعاش اۋدانىندا تىركەلگەن. وندا جەرگىلىكتى تۇرعىن تانىسىنىڭ ۇيالى تەلەفونىن سۇراپ الىپ, 495 مىڭ تەڭگە ونلاين نەسيە راسىمدەگەن. بۇل ارەكەت بويىنشا قر قىلمىستىق كودەكسىنىڭ 190-بابىنىڭ 2-بولىگى 4-تارماعى نەگىزىندە سوتقا دەيىنگى تەرگەپ-تەكسەرۋ ارەكەتتەرى ءجۇرىپ جاتىر.
ەسكە سالساق, قىزىلوردا وبلىسىندا الاياقتىق قىلمىسى 54,4 پايىزعا ازايعان.