Amanat پارتياسىنىڭ جاستار قاناتى قازاقستاننىڭ جوعارى وقۋ ورىندارىن سىبايلاس جەمقورلىققا تەكسەردى. Taza Sessiya اكتسياسى اياسىندا جۇرگىزىلگەن جاسىرىن ساۋالداماعا 64 جوعارى وقۋ ورنىنان 20 مىڭعا جۋىق ستۋدەنت قاتىستى.
جىل سايىن ۇيىمداستىرىلاتىن اكتسيا بيىل ءتورت كۇن بويى وتكىزىلگەن. 28-31 ناۋرىز ارالىعىندا بەلسەندىلەر 64 ۋنيۆەرسيتەتكە بارىپ, قازاقستان بويىنشا 20 مىڭ ستۋدەنتكە ساۋالداما جۇرگىزدى. جاستار قاناتىنىڭ توراعاسى نۇرجان جەتپىسباەۆتىڭ ايتۋىنشا, اكتسيانىڭ باستى شارتى – ادالدىق پەن انونيمدىك.
«مەن بارلىق مۇددەلى تۇلعالاردى وسى ءىس-شاراعا قاتىسۋعا شاقىرامىن. تەك بىرىگىپ, ءبىز ۋنيۆەرسيتەتتەردەگى سىبايلاس جەمقورلىقتى جويىپ, وتاندىق ءبىلىم بەرۋ دەڭگەيىن ارتتىرۋعا ۇلەس قوسا الامىز», دەدى ول اكتسيا باستالعان كۇنى.
بەلسەندىلەر جوعارى وقۋ ورىندارىنىڭ سانى الدەقايدا كوپ بولۋى مۇمكىن ەكەنىن, بىراق ءبارى بىردەي Taza Sessiya-عا قاتىسۋعا كەلىسىمدەرىن بەرمەگەندەرى تۋرالى ايتتى.
«وڭىرلەردە ۋنيۆەرسيتەتتەر مەن كوللەدجدەر سىبايلاس جەمقورلىققا تولى. بۇل ستۋدەنتتەر مەن وقىتۋشىلار ءۇشىن ادەتتەگى تاجىريبە. «ساباقتا وتىرعىڭىز كەلمەيدى مە؟ شوكولاد الىپ بەر دە, كەتە بەر!». ەڭ وكىنىشتىسى, ستۋدەنتتەرگە بۇل جاعداي ۇنايدى», دەدى اكتسياعا قاتىسۋشىلاردىڭ ءبىرى.
ساۋالداما جۇرگىزۋگە تاۋەلسىز باقىلاۋ- شىلار, سونىڭ ىشىندە حالىقارالىق گروسسمەيستەر جانسايا ابدىمالىك, بلوگەر الماس ساعىن ۇلى جانە ەكسترەمالدى سپورتشى ساكەن كاگاروۆ, باسقا دا قوعام قايراتكەرلەرى, سونداي-اق جەرگىلىكتى اتقارۋشى ورگاندار جانىنداعى «ادالدىق الاڭى» جوبالىق كەڭسەلەرىنىڭ وكىلدەرى تارتىلدى.
Amanat پارتياسىنىڭ جاستار قاناتى اكتسيانىڭ قورىتىندىسىن بيىل ءساۋىر ايىنىڭ سوڭىندا جاريالاۋدى جوسپارلاپ وتىر.
ەستەرىڭىزگە سالا كەتەيىك, Taza Sessiya اكتسياسى 8 جىلدان بەرى وتكىزىلىپ كەلەدى. ماسەلەن, 2020 جىلدىڭ ناتيجەلەرى بويىنشا سۇرالعانداردىڭ 12,5%-ى وزدەرى وقيتىن جوو-دا سىبايلاس جەمقورلىق فاكتىلەرى بار ەكەنىن مالىمدەگەن.
2020 جىلى ساۋالداماعا 20 710 ادام قاتىسسا, ونىڭ 63,3 پايىزى – 2 جانە ودان جوعارى كۋرس ستۋدەنتتەرى. ستۋدەنتتەر سىبايلاس جەمقورلىقپەن كوبىنەسە ەمتيحان تاپسىرۋ كەزىندە بەتپە-بەت كەلگەن. بۇل تۋرالى اكتسياعا قاتىسۋشىلاردىڭ 23,8 پايىزى مالىمدەدى. سونىمەن قاتار سول جىلعى رەيتينگتىڭ انتيليدەرى «استانا» مەديتسينا ۋنيۆەرسيتەتى بولدى. قورىتىندى بويىنشا «پارانىڭ ورتاشا مولشەرى» دە انىقتالعان. ماسەلەن, 400 مىڭ تەڭگەگە ستۋدەنتتەرگە اقىلى وقۋ تۇرىنەن بيۋدجەتتىك وقۋ تۇرىنە اۋىسۋدى, 260 مىڭ تەڭگەگە اسكەري كافەدراعا ءتۇسۋدى, 150 مىڭ تەڭگەگە ديپلومدىق جۇمىستى «وتە جاقسى» ەتىپ قورعاۋدى, ال سەسسيانى 22 مىڭ تەڭگەگە «اۆتوماتپەن» تاپسىرۋدى ۇسىنعان. وتكەن جىلى اكتسيا ۋنيۆەرسيتەتتەردىڭ قاشىقتان وقىتۋعا كوشۋىنە بايلانىستى وتكىزىلمەگەن ەدى.