دارىگەردىڭ وتباسىنا كوڭىل ايتقان دەنساۋلىق ساقتاۋ ءمينيسترى اجار عينيات Facebook-تاعى پاراقشاسىندا جازبا جاريالادى, دەپ حابارلايدى Egemen.kz.
«جەكە ءوز اتىمنان جانە دەنساۋلىق ساقتاۋ مينيسترلىگى ۇجىمىنىڭ اتىنان قايعىلى قازاعا ۇشىراعان دارىگەردىڭ تۋىستارى مەن جاقىندارىنا قايعىرىپ كوڭىل ايتامىن. بۇل وقيعا رەسپۋبليكانىڭ دەنساۋلىق ساقتاۋ سالاسى ءۇشىن جانتۇرشىگەرلىك اسا اۋىر قايعى بولىپ وتىر. بەيبىت ۋاقىتتا دارىگەرلەرگە جاۋىزدىق تانىتقان, ءوز ءىس-ارەكەتتەرىنە جاۋاپ بەرمەيتىن ادامنىڭ قولىنان قازا تاپتى. وتاندىق مەديتسينا گاستروەنتەرولوگيانىڭ دامۋىنا زور ۇلەس قوسقان, جۇزدەگەن پاتسيەنتتى جوعارى مەديتسينالىق ءبىلىمىنىڭ ارقاسىندا ەمدەپ, ءومىرىن ساقتاپ قالعان اسا بىلىكتى مامانىنان ايىرىلدى», دەپ جازدى اجار عينيات.
سونداي-اق ول 3 بالا جەتىم قالىپ, قارت اتا-انانىڭ ۇلىنان ايىرىلعانىن ايتتى.
«قازا تاپقان دارىگەردىڭ وتباسى ءۇشىن قايعىلى وقيعانىڭ اسا اۋىر ەكەنىن سوزبەن جەتكىزۋ مۇمكىن ەمەس. ءبىز قىلمىس جان-جاقتى تەرگەلەدى, سونداي-اق قايعىلى وقيعاعا كىنالىلەردى زاڭنىڭ بارلىق قاتاڭ تالاپتارى بويىنشا جازالايدى دەپ سەنەمىز. ءاربىر وسىنداي ينتسيدەنت بۇگىندە زاڭنامالىق تەتىكتەردىڭ كومەگىمەن مەديتسينا قىزمەتكەرلەرىنىڭ قۇقىقتارىن سەنىمدى قورعاۋدى قالىپتاستىرۋ, ءوز ءومىرى مەن دەنساۋلىعى ءۇشىن قورىقپاي قاۋىپسىز ەڭبەك ەتۋىنە كەپىلدىك بەرەتىن قۇقىقتىق نورمالاردى قابىلداۋ قانشالىقتى ماڭىزدى ەكەنىن كورسەتەدى. دەنساۋلىق ساقتاۋ مينيسترلىگى مەديتسينا قىزمەتكەرلەرىنىڭ قۇقىقتارىن قورعاۋ تۋرالى زاڭ جوباسىن ازىرلەدى. جاقىن ارادا ول پارلامەنتتىڭ قاراۋىنا ەنگىزىلەتىن بولادى», دەدى مينيستر.