تەحنولوگيا ءتىلى قىزدارعا جات ەمەس

شاعىن عارىش اپپاراتتا­رىنىڭ ساناتىنا جاتاتىن نانو­سپۋتنيكتەردىڭ سالماعى 10 كيلوعا دەيىن جەتەدى جانە بىرنەشە كامەرامەن جابدىقتالعان. ولار­دىڭ ءبىرى جەردىڭ بەينەسىن 4ك رەجى­مىندە تۇسىرۋگە قابىلەتتى. ار­نايى قۇرىلعىلار ساۋلە, قىسىم, جارىق جانە گاز قۇرامى تۋرالى مالىمەتتەردى جيناپ, ۇلكەن كو­لەمدەگى دەرەكتەر, بەينەلەر مەن سۋ­رەتتەردى تالداۋ ءۇشىن پلانەتامىزعا جىبەرەدى.

بۇگىندە نانوسپۋتنيكتەر الەم­نىڭ كوپتەگەن جەتەكشى ۋنيۆەرسيتەتى مەن كوممەرتسيالىق ۇيىمداردا شىعارىلادى. UniSat سپۋتنيكتەرى ءبىلىم بەرۋ ماقساتتارىنا ارنالعان.

«وسى سپۋتنيكتەردى ۇشىرۋدىڭ سيمۆولدى ءمانى بار. بۇل ورتالىق ازياداعى قىزدار مەن ايەلدەردىڭ شەكسىز الەۋەتىنىڭ ايعاعى. بيىل باعدارلاماعا ءۇش ەلدەن 2 مىڭ قاتىسۋشىنى قوسىپ, ولاردى عىلىم, تەحنولوگيا, ينجەنەريا جانە ماتەماتيكا سالاسىنداعى ءبىلىم مەن كاسىبي مانساپپەن مىقتاپ اينالىسۋعا جىگەرلەندىرگەنىمىزگە وتە قۋانىشتىمىز. UniSAT باع­دارلاماسىنىڭ ناتيجەلەرى قوعام­داعى عالامات وزگەرىستەرگە جول اشاتىنىنا نىق سەنىمدىمىز», دەدى قازاقستانداعى يۋنيسەف وكىلى ارتۋر ۆان ديزەن.

نانوسپۋتنيكتەر ءال-فارابي اتىنداعى قازۇۋ تەحنوپاركىندە 10 كۇندىك مارافون اياسىندا جاس ازا­ماتشالاردىڭ قولىمەن قۇراس­تىرىلعانىن ايتا كەتكەن ورىندى. باعدارلاما قاتىسۋشىلارى عارىش اپپاراتتارىن جوبالاۋ, باعدارلامالاۋ جانە قۇراستىرۋدى مەڭگەرىپ شىقتى. ولارعا عارىش تەحنولوگيالارى مەن جەردى قاشىق­تان زوندتاۋ ورتالىعىنا بارۋ مۇمكىندىگى بەرىلدى. بويجەتكەندەر العان تەوريالىق بىلىمدەرىن ساباق بارىسىندا قولداندى. ايتالىق, مەنتورلاردىڭ جەتەكشىلىگىمەن نانوسپۋتنيكتەردىڭ كورپۋستارىن 3D-مودەلدەۋ ارقىلى جوبالاپ, 3D پرينتەردە باسىپ شى­عاردى. سونداي-اق قىزدار UniSat نانوسپۋتنيكتەرىنىڭ ىشكى جۇيە­لەرىن باعدارلامالاپ, ولاردى ىسكە قوسپاس بۇرىن زەرتحانالىق جاعدايدا سىناپ كوردى.

«قىرعىزستاندا 15-19 جاس ارالىعىنداعى ءاربىر ءۇشىنشى قىز كومپيۋتەرلىك ساۋاتتىلىققا يە جانە ولاردىڭ 80 پايىزدان استامى الەۋمەتتىك جانە گۋما­ني­تارلىق عىلىمداردى تاڭ­دايدى. بىراق بۇل تاڭداۋ قىز­داردىڭ كاسىبي مۇددەلەرى مەن قىزى­عۋشىلىقتارىن قانشالىقتى كورسەتەدى؟ سوندىقتان 2020 جىلى يۋنيسەف قىزدارعا مۇم­كىندىكتەرىن كەڭەيتىپ, گەندەرلىك قاساڭ قاعيدانى جەڭۋمەن بىرگە ماماندىق تاڭداۋعا كومەكتەسۋ ءۇشىن «عىلىمداعى قىزدار» باع­دارلاماسىن باستادى. جىل سايىن 10 مىڭنان استام قىز وسى باس­تاماعا قاتىسىپ, ۋاقىت وتە كەلە قىز­دار عىلىمي ماماندىقتاردى تاڭداۋعا سەنىمدەرى ارتاتىنىنا شاك كەلتىرمەيمىز. وسى تۇرعىدان العاندا, نانوسپۋتنيكتەردى ۇشىرۋ ءبىز ءۇشىن ەكى جىلدىق جۇمىستىڭ ناتيجەسى عانا ەمەس, سونداي-اق قىزدار مەن ءبىزدىڭ جاستارىمىزدىڭ الەۋەتىن اشاتىن مۇمكىندىك», دەدى قىرعىزستانداعى يۋنيسەف وكىلىنىڭ ورىنباسارى يۋليا ولەينيك.

قاتىسۋشىلار ۇجىمدا جۇمىس ىستەۋ داعدىلارىن, سول سەكىلدى Linux-تا باعدارلامالاۋ نەگىزدەرىن مەڭ­گەرىپ, اەروعارىشتىق تەحنولوگيالار سالاسىنداعى جە­تەكشى قازاقستاندىق ساراپشىلاردى تىڭداي الدى.

«وزبەكستاندا الەمنىڭ باسقا ەلدەرىندەگى سەكىلدى ءتۇرلى سەبەپتەرگە بايلانىستى ۇلدار مەن قىزدار اراسىندا كومپيۋتەرلىك ساۋاتتىلىق, تەحنيكالىق ءبىلىم جانە ماماندىق تاڭداۋ باعىتىندا اي­تارلىقتاي الشاقتىق بار. UniSat ءبىلىم بەرۋ باعدارلاماسى وسى الشاقتىقتى ازايتىپ, قىز­دار­دى عىلىم مەن تەحنولوگيا سالا­سىنداعى ءتيىستى داعدىلارعا قىزىقتىرۋعا جانە ۇيرەتۋگە ارنال­عان. UniSat وزبەكستان جاس­تارى اراسىندا تەحنولوگيالىق سالا­لارداعى گەندەرلىك ماسەلەگە كوپ­شىلىكتىڭ نازارىن اۋدارۋعا كو­مەكتەسەدى. جوباعا قاتىسۋشىلار – قىزداردىڭ كەز كەلگەن سالادا تابىس­تى بولا الاتىنىن جەكە مىسالمەن دالەلدەپ وتىر», دەدى يۋنيسەف-ءتىڭ وزبەكستانداعى وكىلدىگىنىڭ باسشىسى مۋنير مامەدزادە.

UniSat – بۇۇ بالالار قو­رىنىڭ (يۋنيسەف) جانە ءال-فارابي اتىنداعى قازاق ۇلتتىق ۋنيۆەر­سيتەتىنىڭ ءبىلىم بەرۋ باعدار­لاماسى. ونىڭ ماقساتى نانو­سپۋتنيكتەردى ازىرلەۋ سالاسىندا قىزداردىڭ ءبىلىمى مەن بىلىكتىلىگىن دامىتىپ, سونداي-اق ۇجىمدىق جۇمىس, شەشەندىك ونەر, تايم-مە­نەدجمەنت جانە كرەاتيۆتى داعدىلاردى جەتىلدىرۋگە ارنالعان.