جىل باسىندا بولعان قاڭتار وقيعالارىنان كەيىن مەن قازاقستانداعى جاعدايدى, ەلدىڭ دامۋ باعىتىن ەرەكشە نازاردا ۇستاپ كەلەمىن. وسىعان وراي قازاقستاندى دەموكراتيالاندىرۋ, ەكونوميكالىق ىرىقتاندىرۋ جانە پرەزيدەنت قاسىم-جومارت توقاەۆتىڭ ەلىنىڭ اشىقتىعى ءۇشىن قولعا العان ينستيتۋتسيونالدىق رەفورمالارى مەن ەلدى جاڭعىرتۋ ۇدەرىسىنە تولىق قولداۋ بىلدىرگىم كەلەدى.
شىنايى پارلامەنتتىك دەموكراتياعا اينالدىرۋعا باعىتتالعان پارلامەنتتىڭ قوس پالاتاسىنىڭ بىرلەسكەن وتىرىسىندا ۇسىنىلعان رەفورمالار, ءسوزسىز, قازاقستاندىقتاردىڭ ءۇمىت-سەنىمىنە ناقتى جاۋاپ بولدى.
ءبىزدىڭ دوستىق توبىمىز كوپپارتيالىق جۇيەنىڭ پايدا بولۋىنا, پارلامەنتتىڭ ءرولىن نىعايتۋعا جانە ادام قۇقىقتارىن ودان ءارى قۇرمەتتەۋدى ماقسات تۇتقان ءىس-شارالاردى ەرەكشە قولدايدى. پارلامەنتارالىق بايلانىستارىمىزدىڭ شەڭبەرىندە ءبىزدىڭ دوستىق توبىمىز وسى اۋقىمدى ساياسي ترانسفورماتسيانى جۇزەگە اسىرۋدا قازاق ەلىمەن بىرگە بولاتىنىن دا ەرەكشە ايتقىم كەلەدى.
سونىمەن قاتار رەسەيدىڭ ۋكرايناعا باعىتتاعان اسكەري ءىس-قيمىلى كەزىندە قازاقستان ۇستانعان بەيتاراپتىلىق جانە ۋكراين حالقىنا كورسەتكەن گۋمانيتارلىق كومەك تە جاڭا قازاقستاندى ۇلتتار كوشىندە تاۋەلسىز جانە قۇرمەتتى مەملەكەت ەتۋگە دەگەن نيەتتىڭ ايقىن بەلگىسى.
فرانتسيا – ورتالىق ازيا پارلامەنتارالىق دوستىق توبى پرەزيدەنت ق.توقاەۆقا قازاقستاندى جاڭعىرتۋ ماقساتىنا باعىتتاعان جوباسىن ىسكە اسىرۋدا قولداۋ بىلدىرە وتىرىپ, رەفورمالارىنىڭ وڭ ناتيجە كورسەتۋىنە سەنىم بىلدىرەدى.
ەرۆە مورە,
فرانتسيا – ورتالىق ازيا پارلامەنتارالىق دوستىق توبىنىڭ توراعاسى (فرانتسيا)