قاسىم-جومارت توقاەۆ بارشا قازاقستان حالقىن رامازان ايىنىڭ باستالۋىمەن قۇتتىقتادى, دەپ حابارلايدى Egemen.kz اقورداعا سىلتەمە جاساپ.
قۇرمەتتى وتانداستار!
سىزدەردى كۇللى مۇسىلمان قاۋىمى ءۇشىن قاسيەتتى رامازان ايىنىڭ باستالۋىمەن شىن جۇرەكتەن قۇتتىقتايمىن!
وسى كۇندەردە ازاماتتارىمىز رۋحاني تازارىپ, جان دۇنيەسىن جاڭعىرتادى, جاقسىلىق جاسايدى.
رامازان ايىندا يماندىلىق, جاناشىرلىق جانە مەيىرىمدىلىك سياقتى مىزعىماس قۇندىلىقتاردىڭ قادىرى ارتا تۇسەدى.
يسلامنىڭ گۋمانيستىك يدەالدارى ەلىمىزدەگى بەرەكە مەن بىرلىكتى, بەيبىتشىلىك پەن كەلىسىمدى نىعايتۋ ءۇشىن ماڭىزدى ءرول اتقارادى.
ءبىز حالقىمىزدىڭ ىرىس-ىنتىماعىنىڭ ارقاسىندا كەز-كەلگەن قيىندىقتى ەڭسەرىپ, بولاشاققا سەنىممەن قادام باسامىز.
قاسيەتتى ورازا ايىندا بۇكىل مۇسىلماننىڭ جۇرەگىن قۋانىش كەرنەپ, جۇرتىمىز تاتۋلىق پەن تىنىشتىققا بولەنە بەرسىن!
بارشا ازاماتتارىمىزعا زور دەنساۋلىق, باق-بەرەكە تىلەيمىن!